တန်ဆောင်တိုင်မီးပုံးပျံပွဲတော်အတွက် တောင်ကြီးမြို့ရှိဟိုတယ်အခန်းများ ကြိုတင်ဘိုကင်တင်သူများနေ
တန်ဆောင်တိုင်မီးပုံးပျံပွဲတော်အတွက်
တောင်ကြီးမြို့ရှိဟိုတယ်အခန်းများ
ကြိုတင်ဘိုကင်တင်သူများနေ
အောက်တိုဘာလ( ၄ )ရက်။
Myanmar
Property Dealer
တောင်ကြီးတန်ဆောင်တိုင်မီးပုံးပျံတော်အတွက်
တောင်ကြီးမြို့တွင်ရှိတဲ့ဟိုတယ်အခန်းများကြိုတင်ဘိုကင်တင်သူများနေတယ်လို့
ဟိုတယ်များမှ စုံစမ်းသိရှိရပါတယ်။
စက်တင်ဘာလ
တတိယအပတ်ကစတင်ပြီး ဟိုတယ်ကြိုတင်မှာယူသူများရှိနေပြီးလာမဲ့သီတင်းကျွတ်ပိတ်ရက်ကာလတွင်လည်း
ဟိုတယ်များပြည့်နေပြီဖြစ်တယ်လို့သိရပါတယ်။
" မီးပုံးပျံပွဲတော်အတွက်က
သိပ်မကြာခင်မှာပြည့်တော့မယ်။ အဲဒီရက်အတွက်ကိုကြိုတင်ယူထားကြတာ
စက်တင်ဘာလကတည်းက။ တချို့ဆို တစ်လကြိုတင်ပြီးအခန်းတွေယူတာရှိတယ်"
ဟု တောင်ကြီးမြို့ရှိဟိုတယ်တစ်ခုမှ
တာဝန်ရှိသူတစ်ဦးကပြောပါတယ်။
အဝေရာမီးပုံးပျံကွင်းတွင် တန်ဆောင်တိုင်မီးပုံးပျံပွဲတော်ကို
အောက်တိုဘာလ ၂၈ ရက်မှ နိုဝင်ဘာလ
၄ ရက်ထိ ကျင်းပပြုလုပ်သွားမှာဖြစ်ပြီးတစ်နေ့လျှင်
အရုပ်အုပ်စုမီးပုံးပျံ
၁၀ လုံးခန့်၊ ညမီးကျည်အပါအဝင် စိန်နားပန်မီးပုံးပျံ အလုံးရေ ၇၀ ကျော်ထိ လွှတ်တင်နိုင်ရန်
စီစဉ်ထားရှိတယ်လို့လည်း
သိရပါတယ်။
ယခင်နှစ်
တောင်ကြီးတန်ဆောင်တိုင်
မီးပုံးပျံပွဲတော်တွင်
အရုပ်အုပ်စုမီးပုံပျံ
ခြောက်လုံး၊ ညမီးကျည် အပါအဝင် စိန်နားပန်မီးပုံးပျံအလုံးရေ
၄၉ လုံးခန့်လွှတ်တင်နိုင်ခဲ့ကြောင်း
သိရပါတယ်။