ရန်ကုန်မြို့တွင်း မြို့နယ်တချို့ရှိ စက်မှုဇုန်ဈေးကွက်အခြေနေ အရောင်းအဝယ်အေးနေတယ်လို့သိရ 

ဧပြီလ ( ၂၂ )ရက် ။

Myanmar Property Dealer

ရန်ကုန်မြို့အတွင်းစက်မှုဇုန်ဈေးကွက်အခြေနေမှာလတ်တလောကာလအတွင်းအရောင်းအဝယ်ရပ်ဆိုင်းနေတယ်လို့ စက်မှုဇုန်များရောင်း၊ဝယ်၊ငှားဝန်ဆောင်မှုပေးနေတဲ့အကျိုးဆောင်များထံမှသိရှိရတာပါ။

‘’ ကျွန်တော်တို့ လှိုင်သာယာစက်မှုဇုန်ထဲမှာတော့အရောင်းအဝယ်တွေအေးနေတယ်။အခုကာလတွေကလည်း စပ်ကူးမတ်ကူးကာလဆိုတော့ အရောင်း ၊အဝယ် ၊အဌား ကတော့မရှိသလောက်ဘဲ’’ ဟုလှိုင်သာယာ စက်မှုဇုန်များကို ဝန်ဆောင်မှုပေးနေတဲ့အကျိုးဆောင်တစ်ဦးထံကသိရပါတယ်။

ဒါ့အပြင် ရွှေပြည်သာစက်မှုဇုန်ထဲတွင်လည်း အရောင်းအဝယ်မရှိသလောက်ဖြစ်နေပြီး ရောင်းချစရာမြေနေရာ လွတ်များလည်းမရှိတော့ကြောင်းသိရပါတယ်။

‘’မြောက်ဥက္ကလာ၊ရွှေပေါက်ကံနှင့် မင်္ဂလာဒုံစက်မှုဇုန်ဝန်းအတွင်းတွင်လည်း စက်မှုဇုန်မြေနေရာများ အရောင်းအဝယ် မဖြစ်ပေမယ့်အငှားက တော့လက်ရှိမှာအလုပ်ဖြစ်နေတယ်လို့လည်း’’ နေထူးနိင်အကျိုးဆောင် ထံ မှသိရပါတယ်။

အလားတူ ဒဂုံဆိပ်ကမ်းစက်မှုဇုန်အတွင်းမှာရှိတဲ့ ဇုန်(၁)၊ဇုန်(၂)နှင့်ဂျပန်ဇုန်များမှာတော့အရောင်းအဝယ်ဖြစ်နေပြီး ရောင်းချမယ့်သူမရှိဘဲအဝယ်များနေတယ်လို့လည်းဒဂုံဆိပ်ကမ်းအိမ်ခြံမြေအကျိုးဆောင်များထံကသိရတာပါ။

#စက်မှုဇုန်ဈေးကွက်

#မြောက်ဥက္ကလာစက်မှုဇုန်

#ရွှေပေါက်ကံစက်မှုဇုန်

#မင်္ဂလာဒုံစက်မှုဇုန်

#myanmarpropertydealer

#မြန်မာအိမ်ခြံမြေသတင်းအတွက်MPD

#yangon

#property

 #stayinformed