သောင်ရင်းမြစ် တဘက်ကမ်း မြန်မာဘက်ခြမ်းမှာ အဆောက်အဦကြီးတွေ အသစ်ထပ်မံ ဆောက်လုပ်နေတာ တွေ့ရတယ်လိုထိုင်းသတင်းများဖော်ပြ

နိုဝင်ဘာ ၂၈ ရက်။

Myanmar Property Dealer

Online လိမ်လည်လောင်းကစားမှုများကို အများဆုံးအခြေချလုပ်ကိုင်လျက်ရှိတဲ့ KK Park နယ်မြေ ၊ ရွှေကုက္ကိုလ်နယ်မြေအတွင်းရှိခွင့်ပြုချက်မရှိဘဲ ဆောက်လုပ်ထားတဲ့ တရားမဝင်အဆောက်အအုံများအား ရှင်းလင်းဖျက်ဆီးနေချိန်အတွင်း ထိုင်းနိုင်ငံ တာ့ခ်ခရိုင် ဖုပ်ဖရ မြို့နယ် Chong Khaep ရွာနဲ့ မျက်နှာချင်းဆိုင် သောင်ရင်းမြစ် တဘက်ကမ်း မြန်မာဘက်ခြမ်းမှာ အဆောက်အဦကြီးတွေ အသစ်ထပ်မံ ဆောက်လုပ်နေတာကို တွေ့ရတယ်လို့ Reporters သတင်းဌာနရဲ့ ဖော်ပြချက်အရသိရပါတယ်။   

ဒီအဆောက်အဦကြီးတွေဟာ ထိုင်းနိုင်ငံ တာ့ခ်ခရိုင် ဖုပ်ဖရ မြို့နယ် Chong Khaep (ချောင်းကပ်) ရွာနဲ့ မျက်နှာချင်းဆိုင် သောင်ရင်းမြစ် တဘက်ကမ်း မြန်မာဘက်ခြမ်းမှာ အသစ်ထပ်မံ ဆောက်လုပ်နေတာဖြစ်ပြီး နေရောင်ခြည်စွမ်းအင်သုံးဆိုလာပြားတွေ အများအပြား တပ်ဆင် ထားတယ်လို့လည်းသိရပါတယ်။

အဆောက်အဦဧရိယာပတ်လည်မှာလည်း မြင့်မားတဲ့ ကွန်ကရစ် ခြံစည်းရိုးတွေ ကာရံထားတာြဖစ်ပြီး ခေါင်မိုးတစ်‌လျှောက်တွင်လည်း ဆိုလာပြားများနှင့်အတူ Starlink အင်တာနက်ချိတ်ဆက် ကိရိယာတွေကိုလည်း တွေ့ခဲ့ရတယ်လို့သိရပါတယ်။

 အာဏာပိုင်တွေအနေနဲ့ မြဝတီဒေသက KK Park နဲ့ ရွှေကုက္ကိုလ်မှာ ကျားဖျန့် လိမ်လည် ဂိုဏ်းတွေကို နှိမ်နင်းမှုတွေ လုပ်နေတဲ့အချိန် အခုလိုဒီဘက်ကို ပြောင်းရွှေ့ တာ ဖြစ်နိုင်တယ်လို့ သုံးသပ်ပြောဆိုမှုတွေ ရှိနေတာဘဲဖြစ်ပါတယ်။