အောင်မင်္ဂလာ အဝေးပြေးယာဉ်ရပ်နားစခန်း၊ ဒဂုံ-ဧရာပွဲရုံနှင့် အဝေးပြေးယာဉ်ရပ်နားစခန်း ရှိဆိုင်ခန်းများ တင်ဒါစနစ်ဖြင့် ငှားရမ်းမည်

ဧပြီလ (၅)ရက်။

Myanmar Property Dealer

ရန်ကုန်မြို့တော်စည်ပင်သာယာရေးကော်မတီ၊ အင်ဂျင်နီယာဌာန(လမ်းနှင့်တံတား) ကြီးကြပ်မှုအောက် မှာရှိတဲ့အောင်မင်္ဂလာ အဝေးပြေးယာဉ်ရပ်နားစခန်းဝန်းအတွင်းရှိ  ဒနင်းရိုးချောင်းပတ်လမ်း ကားရေဆေးဝင်းရှိ မြေနေရာ(၁၀)ခုနဲ့ ဒဂုံ-ဧရာပွဲရုံနှင့် အဝေးပြေးယာဉ်ရပ်နားစခန်းအတွင်းရှိ ဆိုင်ခန်း(၆)ခန်းတို့အား (၁)နှစ်နဲ့ (၁၁)လ ငှားရမ်းခြင်းကို တင်ဒါစနစ်ဖြင့် ငှားရမ်းမှာဖြစ်တယ်လို့သိရပါတယ်။

တင်ဒါများကိုတော့   ဧပြီလ ၄ရက်နေ့မှစတင်ရောင်းချမှာဖြစ်ပြီး၊တင်ဒါအရောင်းပိတ်မယ့်ရက်ကိုတော့ ဧပြီ၂၄ရက်နေ့လို့သတ်မှတ်ထားတာဖြစ်ပြီး၊တင်ဒါကျင်းပမဲ့ရက်ကိုတော့ရန်ကုန်မြို့မြို့တော်ခန်းမမှာဧပြီလ၂၆ ရက်နေ့မှာကျင်းပမှာဖြစ်တယ်လို့လည်းသိရပါတယ်။

စိတ်ဝင်စားတဲ့သူတွေအနေဖြင့် တင်ဒါပုံစံနှင့် စည်းကမ်းချက်များကို ဗိုလ်တထောင်မြို့နယ်၊(၄၆)လမ်း၊ ရန်ကုန်မြို့တော်စည်ပင်သာယာရေးကော်မတီ၊ (၁၂) ထပ်ခွဲရုံး၊ (၇)လွှာရှိ အင်ဂျင်နီယာဌာန (လမ်းနှင့်တံတား)၊ ယာဉ်ရပ်နားစခန်းများစီမံခန့်ခွဲရေးဌာနခွဲတွင် ရုံးချိန်အတွင်း သွားရောက်ဝယ်ယူနိုင်တယ် လို့လည်းသိရပါတယ်။