မြိတ်မြို့ရေပေးဝေရေးစီမံကိန်း တိုင်းအစိုးရနှင့် BBWI & MCPC Co. ,Ltd တို့အကြား

သဘောတူစာချုပ်(B.O.T) လက်မှတ်ရေးထိုး

မြိတ်မြို့ရေပေးဝေရေး စီမံကိန်းနှင့်စပ်လျဉ်းပြီး တည်ဆောက်၊ လုပ်ကိုင်၊ လွှဲပြောင်းခြင်းဆိုင်ရာ သဘောတူစာချုပ်  ကို တနင်္သာရီတိုင်းဒေသကြီးအစိုးရ အဖွဲ့နှင့် BBWI & MCPC Co. ,Ltd တို့အကြား (B.O.T)လက်မှတ်ရေးထိုးခဲ့ကြတယ်လို့သိရပါတယ်။

အဆိုပါလက်မှတ်ရေးထိုးခြင်းအခမ်းအနားကိုဩဂုတ် ၁၈ ရက် မွန်းလွဲပိုင်းက ထားဝယ်မြို့ တိုင်းဒေသကြီးအစိုးရအဖွဲ့ရုံး အစည်းအဝေးခန်းမမှာကျင်းပခဲ့တာဖြစ်ပါတယ်။

အခမ်းအနားတွင် တိုင်းဒေသကြီးဝန်ကြီးချုပ် ဦးမြတ်ကိုက မြိတ်မြို့ရေပေးဝေရေးစီမံကိန်းနှင့်ပတ်သက်ပြီး အကောင်အထည်ဖော်ဆောင်ရွက်မဲ့ပုဂ္ဂိုလ်ကို မြေဧရိယာ ၃၁၈ ဒသမ ၀၆ ဧကကို စီမံကိန်းမြေအဖြစ် အတည်ပြုသတ်မှတ်ပေးပြီး  မြန်မာနိုင်ငံရင်းနှီးမြှပ်နှံမှုကော်မရှင်နှင့်အစိုးရ သဘောတူညီမှုဖြင့် တိုင်းဒေသကြီးအစိုးရအဖွဲ့နှင့် BBWI & MCPC Co.,Ltd တို့အကြားချုပ်ဆိုတဲ့မြိတ်မြို့ရေပေးဝေရေး စီမံကိန်း (B.O.T) စာချုပ်ကို ၂၀၂၃ ခုနှစ် ဒီဇင်ဘာ ၁၀ ရက်တွင် လက်မှတ်ရေးထိုးထားပြီးဖြစ်ပြီး၊ BBWI & MCPC Co.,Ltd နှင့်မြိတ်အများပိုင်တို့က နိုင်ငံခြားရင်းနှီး မြှပ်နှံမှုဖြင့်ဆောင်ရွက်သွားမှာဖြစ်တယ်လို့ဆိုပါတယ်။

ဒါ့အပြင် မြိတ်မြို့ရေပေးဝေရေးစီမံကိန်းနှင့် ပတ်သက်ပြီး မြိတ်ဒေသဖွံ့ဖြိုးတိုးတက်ရေးအတွက်အရေးပါတဲ့ စီမံကိန်းဖြစ်ပြီး ဆောင်ရွက်တဲ့နေရာတွင် သတ်မှတ်ထားသောကာလအတွင်း ဆောင်ရွက်ပေးရန် လိုအပ်ကြောင်း၊ မြိတ်မြို့ရေပေးဝေရေး စီမံကိန်းလုပ်ကိုင်ခွင့်ရရှိသူများအနေဖြင့် အခက်အခဲမရှိစေရေးအတွက် လိုအပ်သည်များကို ဖြည့်ဆည်းဆောင်ရွက်ပေးသွားမှာဖြစ်ပြီး ရေသုံးစွဲသူများကို သက်သာစွာသုံးစွဲနိုင်ရေးအတွက် အဓိကထားထည့်သွင်းပြီးဆောင်ရွက်ပေးစေလိုကြောင်း၊ ရေပေးဝေရေးစီမံကိန်းအကောင် အထည်ဖော်ဆောင်ရွက်ပြီးပါက မြိတ်မြို့တွင်နေထိုင်သော ပြည်သူများအတွက်ဈေးနှုန်း သက်သာစွာဖြင့် ရေကောင်းရေသန့်နှင့်သောက်သုံးရေ လိုအပ်ချက်များကို  ဖြည့်ဆည်းပေးနိုင်တဲ့ စီမံကိန်းဖြစ်တယ်လို့လည်းသိရပါတယ်။