နှလုံးသားထဲက သဘင်ခြံကြီး ရောင်းပါတော့မယ်ဆိုတဲ့ဖိုးချစ်

စက်တင်ဘာ(၁၁)ရက်။

Myanmar Property Dealer

ဘဏ်ကိုပေးသွင်းရန် ကြွေးမြီများကြောင့် အမှတ်(၂၉ )၊ အောင်ချမ်းသာလမ်းမကြီး ( ဖိုးချစ်လမ်း ) ၊ကြူစမ်းရပ်ကွက်၊ မင်္ဂလာဒုံမြို့နယ်မှာ ရှိတဲ့  ဖိုးချစ်သဘင်ခြံကြီးကိုအမြန်ရောင်းချမှာဖြစ်တယ်လို့ ဇာတ်မင်းသားဖိုးချစ်က သူရဲ့ လူမှုကွန်ရက်စာမျက်နှာမှာရေးတင်ထားတာဖြစ်ပါတယ်။

 ‘’နှလုံးသားထဲက    ကျွန်တော့်ဘဝ ကျွန်တော်ကြိုးစားထုဆစ်တန်ဖိုးထားရတဲ့ သဘင်ခြံကြီး ရောင်းပါတော့မယ်ခင်ဗျာ’’ဟုဖိုးချစ်ကရေးသားတာပါ။

 ဖိုးချစ်ရောင်းချမယ်ဆိုတဲ့သဘင်ခြံကြီးမှာ အကျယ်အဝန်း ၁.၁၉ ဧက (၅၁၈၃၆ )စတုရန်းပေရှိပြီးခြံဝန်းထဲမှာ  ပေ ၅၀၊ပေ၆၅ ( ၃ )ထပ်တိုက် တစ်လုံး၊ Recoding တစ်ခု ၊ ဇာတ်ရုံတစ်ခု၊

 လူနေတိုက် ( နှစ်ထပ်ခွဲ ) ၊ဘန်ဂလိုတစ်လုံး ၊ power မီတာ ( ၁)လုံး၊ ရိုးရိုးအိမ်သုံးမီတာ (၁)လုံးနှင့် ပေ ၁၁၀ ၊ပေ ၆၀ဖူဆယ်ဘောလုံးကွင်းတစ်ခုပါရှိတယ်လို့လည်းသိရပါတယ်။

အဆိုပါ သဘင်ခြံကြီးမှာ နှစ် ၆၀ဂရန်နာမည်ပေါက်ဖြစ်ပြီး၊လက်ရှိမှာ CB Bankတွင်အပေါင်ထားရှိထားကြောင်းလည်းသိရပါတယ်။