ပုဂံညောင်ဦးမြို့နယ်ရှိ ဟိုတယ်၊ တည်းခိုခန်းများတွင်လပြတ်ငှားရမ်းနေထိုင်မှုများရှိနေ

နိုဝင်ဘာလ(၃၀)ရက်။

Myanmar Property Dealer

မန္တလေးတိုင်းဒေသကြီး ၊ပုဂံညောင်ဦးမြို့နယ်အတွင်းရှိ ဟိုတယ်၊ တည်းခိုခန်းတချို့တွင်လပြတ်ငှားရမ်း နေထိုင်မှုများ ရှိနေတယ်လို့သိရပါတယ်။

ပုံမှန်အားဖြင့် သီတင်းကျွတ်အားလပ်ရက်၊တန်ဆောင်တိုင်ရုံးပိတ်ရက်များတွင် ပုဂံဒေသကို ဘုရားဖူးများ လာရောက်လျက်ရှိတဲ့အတွက်  ဟိုတယ်နှင့် တည်းခိုခန်းများ လူပြည့်လျှံနေတက်ပေမယ့် ယခု အခါမှာတော့ တခြားဒေသများမှလာရောက်ပြီးဟိုတယ်၊ တည်းခိုခန်းများမှာလပြတ်ငှားရမ်း နေထိုင်ကြတာ လည်းဖြစ်ပါတယ်။

ဒီလိုအေးချမ်းတဲ့နယ်မြေတွေမှာလာရောက်နေထိုင်ရခြင်းက ကိုယ်နေတဲ့အရပ်ဒေသတွေမှာနယ်မြေတည် ငြိမ်မှုတွေမရှိ တာကြောင့် ခေတ္တလာရောက်ပြီးစစ်ဘေးရှောင်ကြတာလို့လည်းသိရပါတယ်။ ရပ်ကွက်ထဲမှာငှားရမ်းနေထို င်တဲ့အခါမှာ နှစ်ရှည်စာချုပ်များချုပ်ဆိုရခြင်း၊အခြားသောကိစ္စရပ်များကြောင့် ငွေကြေးတက်နိုင်သူများအနေဖြင့် အလွယ်တကူငှားရမ်းနေထိုင်လို့ရတဲ့ဟိုတယ်၊တည်းခိုခန်းများမှာမိသားစုအလိုက်လာရောက်နေထိုင်ကြတာ လည်း ဖြစ်ပါတယ်။

လက်ရှိ ညောင်ဦးမြို့နယ်၊ ပုဂံရှေးဟောင်းယဉ်ကျေးမှုနယ်မြေအတွင်းမှာ ဟိုတယ် ၈၁ လုံးရှိနေတယ်လို့လည်း ဟိုတယ်နှင့် ခရီးသွား ညွှန်ကြားမှု ဦးစီးဌာန(ပုဂံရုံးခွဲ)ကနေ သိရပါတယ်။

#ပုဂံညောင်ဦး