စင်ကာပူအစိုးရဟာ (Vers) စီမံကိန်းဖြင့် ပရောဂျက်အချို့ကို ၂၀၃၀ နှစ်ဆန်းပိုင်းအမီအပြီးသတ်သွားမယ်

ဩဂုတ်(၂၀)ရက်။

Myanmar Property Dealer

စင်ကာပူအစိုးရဟာ Voluntary Early Redevelopment Scheme (Vers) စီမံကိန်းဖြင့် ပရောဂျက်အချို့ကို ၂၀၃၀ နှစ်ဆန်းပိုင်းအမီအပြီးသတ်သွားမယ်လို့ The Strait Time ရဲ့ဖော်ပြချက်အရသိရပါတယ်။

အစိုးရဟာ Selective En bloc Redevelopment Scheme (Sers) အောက်တွင် နောက်ထပ် ပရောဂျက်များအတွက် အစီအစဉ်မရှိဘဲ Vers တွင်သာ ၎င်းတို့ရဲ့ ကြိုးပမ်းအားထုတ်မှုများကို အာရုံစိုက်သွားမှာဖြစ်တယ်လို့ စင်ကာပူအမျိုးသားဖွံဖြိုးတိုးတက်ရေးဝန်ကြီး Chee Hong Tat(ချီဟုန်တတ်) က ပြီးခဲ့တဲ့ သြဂုတ် ၅ ရက်က အင်တာဗျူးတစ်ခုတွင် ပြည်တွင်းမီဒီယာများအား ပြောကြားခဲ့တာဘဲဖြစ်ပါတယ်။

Sers နှင့် Vers နှစ်ခုလုံးအောက်တွင် အစိုးရဟာ ပြန်လည်တည်ဆောက်ရန်နှင့် အိမ်ရာလိုအပ်ချက်များဖြည့်ဆည်းရန်အတွက် သက်တမ်းရင့်အဆောက်အဦများကို ၉၉ နှစ်ငှားရမ်းမှုမကုန်ဆုံးမီ ပြန်လည်ဝယ်ယူတာဘဲဖြစ်ပါတယ်။

Sers ဆိုတာက‌တော့ HDB ပရိဝုဏ်ကို ပြန်လည်မွမ်းမံပြင်ဆင်ရန် အစိုးရရဲ့ တချက်လွှတ်ဆုံးဖြတ်ချက်ဖြင့် မပြင်မနေရအစီအစဉ်တစ်ခုဖြစ်ပေမဲ့လည်း Vers ကမှု သက်တမ်း၇၀နှင့်အထက်ရှိတဲ့ အဆောက်အဦများအိမ်ပိုင်ရှင်များကို ၉၉ နှစ်ငှားရမ်းမှုမကုန်ဆုံးမီ ၎င်းတို့ရဲ့ အိမ်များကို အစိုးရကိုပြန်လည်ရောင်းချလိုပါက ‌ရောင်းချနိုင်တဲ့ ရွေးချယ်ပိုင်ခွင့်ပေးသည့် အစီအစဥ်ဘဲဖြစ်ပါတယ်။

Vers ကို ၂၀၃၀ ခုနှစ်အတွင်အကောင်အထည်မဖော်မီ အာဏာပိုင်များဟာ အဆိုပါအစီအစဉ်နှင့် ပတ်သက်ပြီး စင်ကာပူနိုင်ငံသားများရဲ့ အမြင်နှင့် အကြံပြုချက်များကို နားထောင်မှာဖြစ်တယ်လို့လည်း  Mr Chee က ပြောကြားခဲ့တာဘဲဖြစ်ပါတယ်။

 Voluntary Early Redevelopment Scheme (Vers) ဟာလက်ရှိ တိုက်ခန်းပိုင်ရှင်များအတွက် တရားမျှတမှုရှိရန်သာမက အနာဂတ် မျိုးဆက်များအတွက်ပါ ငွေကြေးအရ ရေရှည်တည်တံ့စေမဲ့ အလွန်ရှုပ်ထွေးသော မူဝါဒဖြစ်တယ်လို့လည်း ၎င်းကမှတ်ချက်ပြုခဲ့တာြဖစ်ပါတယ်။