ရှမ်းပြည်နယ် တောင်ပိုင်း မှာရှိတဲ့ ကလောဒေသကို ခရီးသွားမြို့တော် ဖြစ်ပေါ်လာစေရေး အတွက်ဆောင်ရွက်လျက်ရှိနေတယ်လို့ ကလောမြို့Mya Yar Pin ဟိုတယ်မှာ ကျင်းပခဲ့တဲ့ခရိုင်အဆင့်၊ မြို့နယ်အဆင့် ခရီးစဉ်ဒေသ စီမံခန့်ခွဲရေးအဖွဲ့ (Destination Management Organization- DMO) များနှင့် တွေ့ဆုံပွဲမှာ ဟိုတယ်နှင့်ခရီးသွားလာရေးဝန်ကြီးဌာန ဒုတိယဝန်ကြီး ဦးဖြိုးဇော်စိုးကပြောတာပါ။

ကလောမြို့အတွင်း ခရီးသွားလုပ်ငန်းပင်မစီမံကိန်း (၂၀၂၂-၂၀၂၅)ကို မဟာဗျူဟာ(၅)ချက်ဖြင့် ရေးဆွဲအကောင်အထည်ဖော်လျက်ရှိရာ စီမံကိန်းအကောင်အထည် ဖော်မှုကို အထောက်အကူပြုရန် အတွက် ကလောမြို့ ခရီးသွားလုပ်ငန်းဖွံ့ဖြိုးတိုးတက်ရေးဖိုရမ်ကို ကျင်းပခဲ့တယ်လို့လည်းသိရပါတယ်။

လက်ရှိတွင် ကလောမြို့နယ်ရှိ အထင်ကရနေရာများဖြစ်တဲ့ ဗျိုက်တောင်၊အိုးစည်တောင်၊ပလောင်တောင်ဗျူးပွိုင့် နှင့် အခြားလည်ပတ်စရာများ၊ သဘာဝစိုက်ခင်းများ၊ မြစ်နဒီသဘာဝလိုဏ်ဂူ နှင့် အင်းလေးကန်တို့ဖြစ်ကြပြီး၊စွန့်စားခရီးသွားလုပ်ငန်းများအကောင်အထည်ဖော်ဆောင်ရွက်နေတဲ့ နန်းသဲကျေးရွာရှိ Adventure Tourism Site တစ်ခုဖြစ်တဲ့ Kalawe Glamping & Eco-Activities အပန်းဖြေနေရာများလည်းရှိနေတယ်လို့သိရပါတယ်။