ပဲခူးတိုင်းဒေသကြီး၊ စစ်ကိုင်းတိုင်းဒေသကြီး၊ ကရင်ပြည်နယ်နဲ့ ရှမ်းပြည်နယ်မြောက်ပိုင်းတို့မှာရှိတဲ့ နှစ်ပေါင်း ၁၀၀ နဲ့အထက် သက်တမ်းရှိ အဆောက်အအုံ ၁၄ ခုကို ရှေးဟောင်းအဆောက်အအုံတွေအဖြစ် သတ်မှတ်လိုက်ပြီလို့ မြန်မာနိုင်ငံတော်ပြန်တမ်း ထုတ်ပြန်ချက်အရ သိရပါတယ်။

ထိုင်းနိုင်ငံ၊ ဘန်ကောက်မြို့မှာ နိုင်ငံခြားသားတွေက ထိုင်းနိုင်ငံသားတွေကို အမည်ခံအသုံးပြုပြီး ပိုင်ဆိုင်ထားတယ်လို့ သံသယရှိတဲ့ တန်ဖိုး ဘတ် ၆ ဘီလီယံကျော်ရှိ ဇိမ်ခံအိမ် ၉၄ လုံးကို ထိုင်းရဲတပ်ဖွဲ့က ဝင်ရောက်စစ်ဆေးခဲ့ပြီး လူ ၁၁ ဦးကို ဖမ်းဆီးခဲ့တယ်လို့ သိရပါတယ်။

ထားဝယ်ရေနက်ဆိပ်ကမ်း စီမံကိန်းတွေ အကောင်အထည်ဖော်လာတာနဲ့အမျှ ခရီးသည်ဝင်ထွက်မှုနဲ့ လေယာဉ်ခရီးစဉ်တွေ ပိုမိုများပြားလာနိုင်တဲ့အတွက် ထားဝယ်လေဆိပ်နဲ့ လေယာဉ်ပြေးလမ်းကို ကြိုတင်အဆင့်မြှင့်တင်နေတယ်လို့ သိရပါတယ်။

 ရန်ကုန်မြို့တော် စည်ပင်သာယာရေးနယ်နိမိတ်အတွင်း လူနေထိုင်မှုမရှိဘဲ မြက်နှင့် ချုံနွယ်ပိတ်ပေါင်းများ ထူထပ်စွာ ပေါက်ရောက်နေတဲ့ မြေကွက်လွတ်များကို သက်ဆိုင်ရာ မြေပိုင်ရှင်များအနေဖြင့် ကိုယ်တိုင်ရှင်းလင်းဆောင်ရွက်ကြရန် ရန်ကုန်မြို့တော်စည်ပင် သာယာရေး ကော်မတီက အသိပေးကြေညာထားရှိပါတယ်။

ရန်ကုန်တိုင်းအတွင်းရှိ ယုဇနအိမ်ရာနဲ့ ကျန်စစ်မင်းအိမ်ရာစီမံကိန်းတွေထဲက အခန်းပေါင်း ၂၀၀ ကို အတိုးနှုန်းသက်သာတဲ့ အိမ်ရာချေးငွေစနစ်နဲ့ ၂၀၂၆ ခုနှစ်၊ နိုဝင်ဘာလအတွင်း ရောင်းချပေးသွားမယ်လို့ ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာနက သိရပါတယ်။

ရိုးမစင်ထရယ်စီမံကိန်းရဲ့ ဆောက်လုပ်ရေးလုပ်ငန်းတွေကို အဆင့်လိုက် ပြန်လည်စတင်နိုင်ဖို့ FMI နဲ့ မိတ်ဖက်ကုမ္ပဏီ Yoma Strategic Holdings Limited တို့က ပြီးခဲ့တဲ့ အောက်တိုဘာ ၃ ရက်မှာ သဘောတူညီမှုစာချုပ် လက်မှတ်ရေးထိုးခဲ့တယ်လို့ FMI က ထုတ်ပြန်ထားပါတယ်။

မန္တလေးမြို့၊ ချမ်းအေးသာစံမြို့နယ်၊ ကန်ကောက်ရပ်ကွက်ရှိ ယာဉ်ပျံဘူတာဝင်းအတွင်း မြေဧရိယာ ၇.၅၁၄၃ ဧကပေါ်မှာ Urban Development မြို့ပြဖွံ့ဖြိုးတိုးတက်ရေးစီမံကိန်းကို BOT စနစ်နဲ့ အကောင်အထည်ဖော်ဖို့ တင်ဒါခေါ်ယူခဲ့ရာမှာ ကုမ္ပဏီ ၂ ခုကို ဒုတိယအဆင့် တင်ဒါယှဉ်ပြိုင်ခွင့်ပြုလိုက်ပါတယ်။

ရန်ကုန်တိုင်းဒေသကြီးအတွင်း ခွင့်ပြုချက်မရှိဘဲ ဆောက်လုပ်တာ၊ ပြင်ဆင်တာတွေ လုပ်နေတဲ့ အဆောက်အဦတွေကို စည်ပင်က အရေးယူနေပြီး ၂၀၂၁ ခုနှစ်ကနေ ၂၀၂၆ ခုနှစ် ဇူလိုင်လအထိ စုစုပေါင်း အဆောက်အဦ ၂,၇၈၂ ခုအထိ အရေးယူထားတယ်လို့ သိရပါတယ်။

အောက်တိုဘာ ၈ ရက်နေ့(ယနေ့)မှာ ကျင်းပတဲ့ ရန်ကုန်တိုင်းဒေသကြီး လွှတ်တော်အစည်းအဝေးမှာ ပုဇွန်တောင်မြို့နယ် မဲဆန္ဒနယ်အမှတ် (၂ )ဦးစိုးမြင့်က အင်းစိန်၊ မရမ်းကုန်း၊ သင်္ဃန်းကျွန်း၊ လှိုင်နဲ့ စမ်းချောင်းမြို့နယ်တွေမှာ ခွင့်ပြုချက်မရှိဘဲ အထပ်မြင့်အဆောက်အဦတွေ ဆောက်လုပ်နေတဲ့ကိစ္စကို ဘယ်လိုအရေးယူနေသလဲဆိုတာ မေးမြန်းခဲ့တဲ့အပေါ်မှာစည်ပင်သာယာရေးဝန်ကြီး ဦးမျိုးမြင့်အောင်က ပြောကြားခဲ့တာ ဖြစ်ပါတယ်။

ရန်ကုန်တိုင်းဒေသကြီး၊ အင်းစိန်မြို့နယ်အတွင်းရှိ မြေဧရိယာ ၂ ဒသမ ၂၆၆ ဧကနှင့် အဆောက်အဦ ၆ လုံးကို ရေခဲစက်ရုံနှင့် အအေးခန်းများ တည်ဆောက်ကာ ငါး၊ ပုစွန်နှင့် ရေခဲပြုပြင်ထုတ်လုပ်ရေးလုပ်ငန်းများ ဆောင်ရွက်နိုင်ရန် BOT စနစ်ဖြင့် နှစ်ရှည်ငှားရမ်းလုပ်ကိုင်ခွင့်ပြုမှာဖြစ်ပြီး စိတ်ဝင်စားတဲ့ လုပ်ငန်းရှင်များနဲ့ ကုမ္ပဏီများကို တင်ဒါတင်သွင်းရန် ဖိတ်ခေါ်ထားတယ်လို့သိရပါတယ်။

ဧရာဝတီတိုင်းဒေသကြီးအတွင်းရှိ မြေလွတ်၊ မြေလပ်နှင့် မြေရိုင်းများကို သက်ဆိုင်ရာဥပဒေ၊ လုပ်ထုံးလုပ်နည်းများနှင့်အညီ လျှောက်ထားရယူခြင်းမရှိဘဲ ကိုယ်ပိုင်သဘောဖြင့် နယ်နိမိတ်သတ်မှတ်ခြင်း၊ ခြံခတ်ခြင်း၊ စီးပွားရေးလုပ်ငန်းများ လုပ်ကိုင်ခြင်းနှင့် တစ်ဆင့်ပြန်လည်ရောင်းချခြင်းများ မပြုလုပ်ရန် မြေလွတ်၊ မြေလပ်နှင့် မြေရိုင်းများ စီမံခန့်ခွဲရေးကော်မတီက အသိပေးကြေညာထားရှိပါတယ်။