တည်ဆောက်မှု (၇၀)ရာခိုင်နှုန်းပြီးစီးနေပြီဖြစ်တဲ့ ချင်းတွင်းမြစ်ကူးတံတား(ထမံသီ)

နိုဝင်ဘာလ (၂၅)ရက်။

Myanmar Property Dealer

စစ်ကိုင်းတိုင်းဒေသကြီး၊ ဟုမ္မလင်းမြို့နယ်နှင့် နာဂကိုယ်ပိုင်အုပ်ချုပ်ခွင့်ရဒေသ အတွင်းရှိ လေရှီးမြို့ - ပန်ဆပ် - ဆွမ္မရာမြို့လမ်းပေါ်တွင် ချင်းတွင်းမြစ်အားဖြတ်၍ တည်ဆောက်ထားတဲ့ချင်းတွင်းမြစ်ကူးတံတား(ထမံသီ) တည်ဆောက်မှုမှာ (၇၀)ရာခိုင်နှုန်းပြီးစီးနေပြီဖြစ်တယ်လို့သိရပါတယ်။

တံတားအမျိုးအစားမှာသံကူကွန်ကရစ် တံတားအမျိုးအစားဖြစ်ပြီး တံတား အရှည် - ၈၀၁ မီတာ၊ အကျယ် - ၉.၄ မီတာ၊ တံတားအခန်းပေါင်း - ၁၅ ခန်း ၊ ရေ လမ်းကင်းလွတ် အမြင့် ၄၀ ပေ(HFL)ဖြင့် တည်ဆောက်နေတာလည်းဖြစ်ပါတယ်။

အဆိုပါတံတားကြီးပြီးစီးသွားပါကစစ်ကိုင်းတိုင်းဒေသကြီး ဟုမ္မလင်းခရိုင်နှင့် နာဂကိုယ်ပိုင်အုပ်ချုပ်ခွင့်ရဒေသရှိ ပြည်သူတွေရဲ့  လူမှုစီးပွားဘဝနှင့် နယ်မြေဒေသဖွံ့ဖြိုးတိုး တက်ရေးအတွက်များစွာ အထောက်အကူပြုတဲ့ တံတားကြီးတစ်စင်းဖြစ်ပြီး ဒေသ၏ ထုတ်ကုန်များအား လွယ်ကူမြန်ဆန်စွာ သယ်ယူပို့ဆောင်နိုင်ကာ ပညာရေး၊ ကျန်းမာရေး၊ စီးပွားရေးကိုပါ ဖွံ့ဖြိုးတိုးတက်စေမှာဖြစ်တယ်လို့လည်းသိရပါတယ်။