သုခဒဂုံ ပြည်သူ့အငှားအိမ်ရာ အခန်းများအား ဥပဒေမဲ့ ရောင်းစားသူ(၃)ဦးကို အလုပ်နှင့် ထောင်ဒဏ် (၁)နှစ်ချမှတ်ခံရ

ဖေဖော်ဝါ ရီ ၂၄ ရက်။

Myanmar Property Dealer

သုခဒဂုံ ပြည်သူ့အငှား အိမ်ရာတွင် အခန်းများအား ခွင့်ပြုချက်မရှိ ဥပဒေမဲ့ ရောင်းစားသူ(၃)ဦးကို အလုပ်နှင့် ထောင်ဒဏ် (၁)နှစ်ချမှတ်ခဲ့ကြောင်း မြို့ပြနှင့် အိမ်ရာဖွံ့ဖြို့ရေးဦးစီးဌာနရဲ့ ထုတ်ပြန်ချက်အရ သိရပါတယ်။

အဆိုပါငှားရမ်း နေထိုင်ခွင့် ရရှိသူများထဲတွင် အချို့အခန်းရှင်များအနေဖြင့် ကိုယ်တိုင် နေထိုင်ခြင်းမရှိဘဲ ထပ်ဆင့် ငှားရမ်းခြင်း၊ ငှားရမ်းခွင့် စာရင်းတွင် မပါဝင်သူများအား နေထိုင်စေခြင်း၊ မိမိမပိုင်သော အခန်းများ နှင့် စျေးဆိုင်ခန်းများအား လက်ညှိုးထိုး ရောင်းစားခြင်း စတဲ့ဆောင်ရွက်မှုများရှိနေတယ်လို့လည်းသိရပါတယ်။

ဒါ့အပြင် တရားမဝင်ငှားရမ်း ဆောင်ရွက်နေကြောင်းကို စစ်ဆေး ပေါ်ပေါက်သဖြင့် နိုင်ငံပိုင် အခန်းများအား ခွင့်ပြုချက်မရှိ ဥပဒေမဲ့ ရောင်းစားသူများနှင့် ပူးပေါင်းပါဝင်သူများကို တရားစွဲဆိုခဲ့ရာ (၃) ဦးကို တရားရုံးမှ ပြည်သူပိုင်ပစ္စည်း ကာကွယ်ရေးဥပဒေ ပုဒ်မ -၆(၁) အရ ပြစ်မှု ကျူးလွန်သဖြင့် အလုပ်နှင့်ထောင်ဒဏ် (၁) နှစ် ကျခံစေခဲ့ကြောင်း သိရပါတယ်။
သုခဒဂုံ ပြည်သူ့အငှားအိမ်ရာသည် နေရေး အခက်အခဲရှိတဲ့ ပြည်သူ အငြိမ်းစားဝန်ထမ်းနှင့် တာဝန်ထမ်းဆောင်ဆဲ ဝန်ထမ်းများအား (၅) နှစ် ငှါးရမ်း နေထိုင်ခွင့်ပေးထားတဲ့ပြည်သူ့အငှားအိမ်ရာလည်းဖြစ်ပါတယ်။