ပြည်ပမှတင်သွင်းခွင့်ပြုထားသောဘိလပ်မြေများထပ်မံရောက်ရှိ

ဖေဖော်ဝါရီလ (6)ရက်။

Myanmar Property Dealer

ဆောက်လုပ်ရေးလုပ်ငန်းများအချိန်မီပြီးစီးနိုင်ရန် လိုအပ်နေတဲ့ ဘိလပ်မြေများကို ပြည်ပမှတင်သွင်းခွင့်ပြုလျက်ရှိနေပြီး ယခုအခါ ပြည်ပမှ တင်သွင်းခွင့်ပြုထားတဲ့ ဘိလပ်မြေအိတ်များ ရန်ကုန်ဆိပ်ကမ်းကို မတ်လ ၄ ရက်နေ့က ထပ်မံရောက်ရှိလာပြီဖြစ်တယ်လို့သိရပါတယ်။

 နိုင်ငံတစ်ဝန်းမှာ ဆောက်လုပ်ရေးလုပ်ငန်းတွေ အရှိန်အဟုန်ဖြင့်ဆောင်ရွက်လျက်ရှိရာ တည်ဆောက်မှု လုပ်ငန်းများ အတွက် ယခုပွင့်လင်းရာသီကာလအတွင်း လိုအပ်နေတဲ့ ပြည်တွင်းဘိလပ်မြေလိုအပ်ချက်များကို ပြည့်မီစေရန်နှင့် ပြည်တွင်းထုတ်လုပ်မှုအား အင်အားဖြည့်တင်းပေးနိုင်ရန်အတွက် ပြည်ပမှ ဘိလပ်မြေများကို တင်သွင်းခွင့်ပြုလျက်ရှိတာဖြစ်တယ်လို့လည်းသိရပါတယ်။

ဒါ့အပြင် ကော့သောင်းနယ်စပ်ကုန်သွယ်ရေးစခန်းမှတစ်ဆင့် တင်သွင်းလာသော ဘိလပ်မြေ တန်ချိန် ၃,၀၀၀ တင်ဆောင်လာသည့်ရေယာဉ်သည် ရန်ကုန်မြို့၊ ရွှေပြည်သာ ရွှေမဲဆိပ်ကမ်းသို့ ထပ်မံရောက်ရှိခဲ့ပြီး ဈေးကွက်အတွင်း သို့ ဖြန့်ဖြူးဆောင်ရွက်ပေးလျက်ရှိနေတယ်လို့လည်းသိရပါတယ်။

 ပြည်တွင်း ဆောက်လုပ်ရေးလုပ်ငန်းများအတွက် ယခုကာလအတွင်း လိုအပ်နေတဲ့ ဘိလပ်မြေကို တင်သွင်းခွင့်ပြုထားပြီး ယခုရောက်ရှိလာတဲ့ရေယာဉ်အပြင်ကျန် ဘိလပ်မြေတင်ဆောင်လာတဲ့ ရေယာဉ်များအပတ်စဉ် ဆက်လက်ရောက်ရှိလာမှာဖြစ်တယ်လို့လည်းသိရပါတယ်။