စက်မှုဇုန် (၂၉) ဇုန်နှင့် သီလဝါ အထူးစီးပွားရေးဇုန်တို့တွင် ရင်းနှီးမြှုပ်နှံမည့်ကိစ္စရပ်များ မြန်မာ-တရုတ်နှစ်နိုင်ငံဆွေးနွေး

ဒီဇင်ဘာ(၆)ရက်။

Myanmar Property Dealer

ရန်ကုန်တိုင်းဒေသကြီးအတွင်းရှိ စက်မှုဇုန် (၂၉) ဇုန်နှင့် သီလဝါ အထူးစီးပွားရေးဇုန်တို့တွင် ရင်းနှီးမြှုပ်နှံမှုဆိုင်ရာ ကိစ္စရပ်များ အပါအဝင် အခြားကဏ္ဍများကို မြန်မာ - တရုတ် နှစ်နိုင်ငံဆွေးနွေးခဲ့ကြတယ်လို့သိရပါတယ်။

 အဆိုပါဆွေးနွေးပွဲကို ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ် ဦးစိုးသိန်း နှင့်  မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီး H.E Ms. Ma Jia တို့နှစ်ဦးက ရန်ကုန်တိုင်းဒေသကြီး အစိုးရအဖွဲ့ရုံး သံတမန်ဧည့်ခန်းမ၌ တွေ့ဆုံစဉ် ‌ဆွေးနွေးခဲ့ခြင်းလည်းဖြစ်ပါတယ်။

 တွေ့ဆုံစဉ် ရန်ကုန်တိုင်းဒေသကြီးအတွင်းရှိ စက်မှုဇုန် (၂၉) ဇုန်နှင့် သီလဝါ အထူးစီးပွားရေးဇုန်တို့တွင် ရင်းနှီးမြှုပ်နှံမှုဆိုင်ရာ ကိစ္စရပ်များ၊ ကုန်သွယ်ရေးကဏ္ဍ၊ ခရီးသွားလာရေးကဏ္ဍ၊ ဘာသာရေးနှင့် ယဉ်‌ကျေးမှုကဏ္ဍ၊ လျှပ်စစ်ကဏ္ဍ၊ သိပ္ပံနှင့် နည်းပညာကဏ္ဍ၊ စိုက်ပျိုးမွေးမြူရေးကဏ္ဍ၊ လန်ချန်း - မဲခေါင်ကဏ္ဍ၊ ရန်ကုန် - ယူနန် ဆက်ဆံရေးကဏ္ဍ၊ တရုတ် - မြန်မာ ညီအစ်မမြို့တော် ထူထောင်ခြင်းကဏ္ဍများ၊ နှစ်နိုင်ငံ ချစ်ကြည်ရင်းနှီးမှုများကို ဆွေးနွေးခဲ့ကြတယ်လို့လည်းသိရပါတယ်။

လက်ရှိတွင် သီလဝါအထူးစီးပွားရေးဇုန်တွင် ခွင့်ပြုထားတဲ့ လုပ်ငန်းပေါင်း ၁၂၅ ခုရှိပြီး ၊စက်ရုံ ၁၁၄ ရုံ လည်ပတ်လျက်ရှိကာ ကင်းလွတ်ဇုန်တွင် စက်ရုံ ၃၅ ရုံနှင့် လုပ်ငန်းမြှင့်တင်ရေးဇုန်တွင် စက်ရုံ ၉၄ ရုံ ဖြင့် လုပ်ငန်းများဆောင်ရွက်လျက်ရှိနေတယ်လို့လည်းသိရပါတယ်။