နိုင်ငံပိုင် မြေနှင့်အဆောက်အဦ ၊ တိုက်ခန်းနှင့်မြေကွက်များအား ရောင်းချရန် အိတ်ဖွင့်တင်ဒါခေါ်ယူ

ဒီဇင်ဘာ ( ၉ )ရက်

Myanmar Property Dealer

ပုဂ္ဂလိကပိုင်ပြုလုပ်ရေးကော်မရှင်လက်ဝယ်ရှိ မြေနှင့်အဆောက်အဦ ၊ တိုက်ခန်းနှင့်မြေကွက် စုစုပေါင်း(၂၃)ခုကို အိတ်ဖွင့်တင်ဒါစနစ်ဖြင့်ရောင်းချမှာဖြစ်တယ်လို့ နိုင်ငံပိုင်သတင်းစာများမှဖော်ပြချက်အရသိရပါတယ်။

ဝယ်ယူလိုတဲ့ Lot No. တစ်ခုချင်းစီအတွက် သီးခြားအဆိုပြုလွှာတစ်စောင်စီတင်သွင်းရမှာဖြစ်ပြီး သတ်မှတ်စပေါ်ငွေ P.O Cheque (Payment Order Cheque)အား တင်ဒါတင်သွင်းလွှာနှင့်အတူ ပူးတွဲတင်ပြရမှာဖြစ်ပါတယ်။

အဆိုပါအိတ်ဖွင့်တင်ဒါရောင်းချမယ့်ရက်မှာ ၂၀၂၄ခုနှစ် ဒီဇင်ဘာ ၉ရက် နေ့မှ ၂၀ ရက်နေ့ အထိ ပုဂ္ဂလိကပိုင်ပြုလုပ်ရေးကော်မရှင်ရုံးတွင်ရောင်းချမှာဖြစ်ပြီး စပေါ်ငွေသွင်းရမယ့် တန်ဖိုးကို အဆိုပြုလွှာဝယ်ယူတဲ့အခါတွင် ပူးတွဲဖော်ပြပေးရမှာဖြစ်တယ်လို့သိရပါတယ်။

တင်ဒါတင်သွင်းရမယ့်ရက်မှာ၂၀၂၄ခုနှစ် ဒီဇင်ဘာ ၂၇ရက် နေ့ ဖြစ်ပြီး Lot No.(1) မှ (23)အထိ ရုံးအမှတ် (၃၂) ၊ နေပြည်တော်တွင် နံနက် (၁၀)နာရီမှစ၍ အစဥ်လိုက် လက်ခံသွားမယ်လို့လည်း နိုင်ငံပိုင်သတင်းစာမှသိရပါတယ်။

ဒါ့အပြင် ဝယ်ယူလိုတဲ့ မြေနှင့်အဆောက်အဦ ၊ တိုက်ခန်းနှင့်မြေကွက်များအားကြော်ငြာစတင်တဲ့နေ့မှ စတင်ပြီးသွား ရောက်ကြည့်ရှု့နိုင်တယ်လို့လည်းသိရပြီး ဝယ်ယူရန်အဆိုပြုလွှာတင်သွင်းတဲ့အချိန်တွင်လည်းဝယ်ယူမယ့် မြေနှင့်အဆောက်အဦ ၊ တိုက်ခန်းနှင့်မြေကွက်များအားကြည့်ရှု့စစ်ဆေးပြီးဖြစ်ကြောင်းဝန်ခံချက်ဖြင့်ပူးတွဲတင်ပြရမှာဖြစ်တယ်လို့လည်း သိရပါတယ်။