စံပြဈေးအဖြစ်ရည်ရွယ်တည်ဆောက်ထားတဲ့  သုမင်္ဂလာဈေး(ညံတောဈေး) ၆ ထပ် အဆင့်မြင့်ဈေးသစ်

ဒီဇင်ဘာ (၈)ရက်။

Myanmar Property Dealer

ပြင်ဦးလွင်မြို့၊ သုမင်္ဂလာဈေး(ညံတောဈေး) ၆ ထပ်အဆင့်မြင့် ဈေးသစ်ကို စံပြဈေးအဖြစ် ရည်ရွယ်တည်ဆောက်ထားတာဖြစ်တယ်လို့သိရပါတယ်။

အဆိုပါအဆင့်မြင့်ဈေးသစ်တည်ဆောက်ရခြင်းမှာ ပြင်ဦးလွင်မြို့၏ လူနေမှု ထူထပ်လာမှုများ၊ ခရီးသွား လာမှု များပြားလာမှုများနှင့်ကိုက်ညီတဲ့ အဆင့်မီဈေး တစ်ခုဖြစ်ပေါ်လာစေရန်နှင့် ဒေသထွက်နှင့် အခြေခံ သုံးကုန် ပစ္စည်းများကို တစ်နေရာ တည်းမှာ တစ်စုတစ်စည်းတည်းရရှိနိုင်စေရန် ရည်ရွယ်တည်ဆောက်ထားတဲ့ စံပြဈေးတစ်ခုဖြစ်တယ်လို့လည်းသိရပါတယ်။

 ပြင်ဦးလွင်မြို့၊ သုမင်္ဂလာဈေး(ညံတောဈေး) ၆ ထပ်အဆင့်မြင့် ဈေး သစ် တည်ဆောက်ရေးစီမံကိန်းတွင် အထပ် အလိုက် ဆိုင်ခန်းများဖွင့်လှစ်ခြင်း၊ ကလေး ကစားကွင်းနေရာများ၊ ရုပ်ရှင်ရုံများ ထည့်သွင်းတည်ဆောက်ခြင်း၊ နေရောင်ခြည်စွမ်းအင်သုံးလျှပ်စစ်ဓာတ်အားထုတ်လုပ်နိုင်ရေး ဆိုလာ ပြားများတပ်ဆင်ခြင်း၊မြေညီထပ်ရှိ Local Fresh Fruits & Meats Market နှင့် Banking Service Area အတွက် ဗိသုကာဒီဇိုင်းများ ပြင်ဆင်ခြင်း၊ ယာဉ် ရပ်နားသည့်နေရာအတွင်း EV ကားများအတွက် Battery Charger နေရာ များ ဆောင်ရွက်ခြင်း၊ ရေဝင်ရေ ထွက် ကောင်းမွန် စေရေးအ တွက် တွက်ချက် ဆောင်ရွက်ထားခြင်းနှင့် ရေဆိုးစွန့်ပစ်မှုစနစ်ဆောင် ရွက်ခြင်း တို့ကို ထည့်သွင်းလုပ်ဆောင်ထားတယ်လို့လည်းသိရပါတယ်။