မြန်မာ့အိမ်ခြံမြေကဏ္ဍတွင် ပြည်တွင်း /ပြည်ပ ရင်းနှီးမြှုပ်နှံမှုမှ ဒေါ်လာသန်း (၇၈၀၀) ကျော်ရရှိထား
မြန်မာ့အိမ်ခြံမြေကဏ္ဍတွင် ပြည်တွင်း /ပြည်ပ ရင်းနှီးမြှုပ်နှံမှုမှ ဒေါ်လာသန်း (၇၈၀၀) ကျော်ရရှိထား
ဧပြီ (၈ )ရက်
Myanmar Property Dealer
ပြီးခဲ့တဲ့ ၂၀၂၃ ခုနှစ်တွင် ပြည်တွင်းပြည်ပ ရင်းနှီးမြှုပ်နှံမှုများတွင် အိမ်ခြံမြေလုပ်ငန်း၌ မြန်မာနိုင်ငံသား ရင်းနှီးမြှုပ်နှံမှု လုပ်ငန်းပေါင်း (၉၃) ခုမှ ဒေါ်လာသန်း (၁၂၀၀) ကျော်၊ နိုင်ငံခြားသားရင်းနှီးမြှုပ်နှံမှုလုပ်ငန်း ပေါင်း (၆၇) ခုမှ ဒေါ်လာသန်းပေါင်း (၆၆၀၀) ကျော်အထိ ရောက်ရှိလာကြောင်း သိရပါတယ်။
" မြန်မာပြည်မှာက ငွေဈေးပဲဖြစ်ဖြစ်၊ ရွှေဈေးပဲဖြစ်ဖြစ်မငြိမ်တာများတယ်။ အဲဒီတော့ အိမ်ခြံမြေဘက်ကိုပဲလှည့်ပြီး ရင်းနှီးမြှုပ်နှံလာကြတာတွေ့ရတယ်။ သူကသေချာတယ်လေ"ဟု အိမ်ခြံမြေအကျိုးတော်ဆောင်လုပ်ကိုင်နေသူတစ်ဦးကပြောပါတယ်။
မြန်မာတစ်နိုင်ငံလုံး အိမ်ခြံမြေကဏ္ဍ၌ နိုင်ငံခြားရင်းနှီးမြှုပ်နှံမှုပမာဏ (၇) ရာခိုင်နှုန်းရှိပြီး နိုင်ငံသားရင်းနှီးမြှုပ်နှံမှုသည် (၂၁) ရာခိုင်နှုန်းရှိကြောင်း သိရပါတယ်။
ဒါ့အပြင် ယခုနှစ်တွင်လည်း ကုန်ထုတ်လုပ်မှုလုပ်ငန်းများထက် အိမ်ခြံမြေလုပ်ငန်းများတွင် ပြည်တွင်းလုပ်ငန်းရှင်အများစု ရင်းနှီးမြှုပ်နှံမှုပိုများနေကြောင်း၊အိမ်ခြံမြေလုပ်ငန်းတွင် (MIC) ပါမစ်ဖြင့်လုပ်ကိုင်သောလုပ်ငန်းအများစုမှာ မြို့ပြအိမ်ရာသစ်များ အကောင်အထည်ဖော်ခြင်း၊ အထပ်မြင့်ကွန်ဒိုဆောက်လုပ်ခြင်းနှင့် တန်ဖိုးနည်းအိမ်ရာ တည်ဆောက်ခြင်းများပါဝင်နေတယ်လို့လည်းသိရှိရပါတယ်။
(သဲသဲ)