လားရှိုးစစ်ဘေးရှောင်များကြောင့် အောင်ပန်းမြို့ အိမ်အငှားဈေးကွက်အလုပ်ဖြစ်နေ

ဖေဖော်ဝါရီ ( ၁၅)ရက်။

Myanmar Property Dealer

ရှမ်းပြည်နယ်မြောက်ပိုင်း၊ လားရှိုးမြို့ကစစ်ဘေးရှောင်တွေက နီးစပ်ရာမြို့တွေဖြစ်တဲ့ တောင်ကြီးမြို့၊အောင်ပန်းမြို့နှင့်ကလောမြို့တွေမှာလာရောက်ခိုလှုံနေထိုင်ကြတာကြောင့် အဆိုပါဒေသတွေမှာရှိတဲ့အိမ်ခြံမြေအငှားဈေးကွက်တွေကဈေးကောင်းနေတယ်လို့သိရပါတယ်။

‘’ကျွန်တော်တို့လားရှိုးမြို့နေ ၉၀ ရာခိုင်နှုန်းနီးပါးကဇူလိုင်လထဲကနေ နေရပ်ကိုစွန့်လာကြတာ။အဲဒီမှာ ငွေကြေးရှိတဲ့သူတွေကတော့ မြို့ကြီးတွေဖြစ်တဲ့ မန္တလေးကိုပြေးကြတယ်။ တချို့ကျတော့ တောင်ကြီးပြေးကြတယ်။ ကျွန်တော်တို့ကတော့ အောင်ပန်းကိုပြေးလာကြတယ်။ အောင်ပန်းမှာတောင် ရပ်ကွက်အမျိုးအစား၊နေရာအချက်အချာပေါ်မူတည်ပြီး လမ်းမတန်းတွေဆို တစ်လကို အိမ်ငှားရမ်းခ၁၇ သိန်းနီးပါးရှိတယ်။အတွင်းဘက်တွေဆိုရင်တော့ ၃သိန်းနီးပါးရှိတယ်။တချို့အတွင်းဘက်က အိမ်ခန်းတွဲတွေဆိုရင်တောင်တစ်လကို တစ်သိန်းခွဲနီး ပါးပေါက်နေတယ်။အောင်ပန်းမြို့မှာအရင်ကဒီလိုအငှားဈေးမရှိဘူးလို့လည်း’’လားရှိုးစစ်ရှောင်တစ်ဦးကဆိုပါတယ်။

လက်ရှိမှာတော့ နေထိုင်စရိတ်ကြီးမြင့်လာတာကြောင့် လားရှိုးမြို့ထဲကိုစစ်ဘေးရှောင်တချို့တွေကပြန်လည်ဝင်ရောက်ပြီးနေထိုင်ပြီဆိုပေမယ့်အများစုကတော့ ရန်ကုန်၊မန္တလေး၊တောင်ကြီး၊ကလောနှင့်အောင်ပန်းမြို့တွေမှာနေထိုင်ကြဆဲဖြစ်တယ်လို့လည်းသိရပါတယ်။