နေပြည်တော်စည်ပင်သာယာရေးကော်မတီက နယ်နိမိတ်အတွင်းရှိ နှစ်(၃၀) မြေငှားစာချုပ်(ဂရန်) ထုတ်ပေးထားသည့် မြေကွက်ပိုင်ရှင်များအနေဖြင့် ကျသင့်သည့် နှစ်စဉ်မြေငှားရမ်းခများကို သတ်မှတ်ကာလအတွင်း ပေးသွင်းရန်နှင့် ကြွေးကျန်များရှိပါက ၂၀၂၇ ခုနှစ် မတ်လ ၁၅ ရက် နောက်ဆုံးထား၍ ပေးသွင်းကြရန် အသိပေးထားတယ်။

ဧရာဝတီတိုင်းဒေသကြီးအတွင်းရှိ မြေလွတ်၊ မြေလပ်နှင့် မြေရိုင်းများကို သက်ဆိုင်ရာဥပဒေ၊ လုပ်ထုံးလုပ်နည်းများနှင့်အညီ လျှောက်ထားရယူခြင်းမရှိဘဲ ကိုယ်တိုင်နယ်နိမိတ်သတ်မှတ်ပြီး၊ ခြံခတ်ခြင်း၊ စီးပွားရေးလုပ်ငန်းများ လုပ်ကိုင်ခြင်းနှင့် တစ်ဆင့်ပြန်လည်ရောင်းချခြင်းများ ပြုလုပ်ပါက ဥပဒေချိုးဖောက်မှုအဖြစ် အရေးယူဆောင်ရွက်သွားမှာဖြစ်တယ်လို့  ဧရာဝတီတိုင်းဒေသကြီး မြေလွတ်၊ မြေလပ်နှင့် မြေရိုင်းများ စီမံခန့်ခွဲရေးကော်မတီက အသိပေးထားရှိပါတယ်။

အိမ်ခြံမြေဝန်ဆောင်မှုဥပဒေကို မည်သည့်အချိန်တွင် ပြဌာန်းထုတ်ပြန်ပေးနိုင်မည်နည်းဆိုတဲ့  မေးခွန်းနှင့် ပတ်သက်ပြီး ရန်ကုန်တိုင်းဒေသကြီး၊ အမျိုးသားလွှတ်တော်ကိုယ်စားလှယ် အမှတ် (၁၀)  ဦးကျော်ကျော်လတ်က ၂၀၂၆ ခုနှစ်၊ ဧပြီလ ၇ ရက်နေ့တွင် ကျင်းပခဲ့တဲ့  တတိယအကြိမ် အမျိုးသားလွှတ်တော် ပထမပုံမှန်အစည်းအဝေးတွင်  ‘’ ကြယ်ပွင့်မပြမေးခွန်းအဖြစ်’’ အမျိုးသားလွှတ်တော်ဥက္ကဋ္ဌမှတစ်ဆင့် မေးမြန်းခဲ့တယ်လို့သိရပါတယ်။

ထိုင်းနိုင်ငံ၊ ချွန်ဘူရီပြည်နယ်တွင် ထိုင်းနိုင်ငံသားအမည်ခံ (Nominee) များကို အသုံးပြုပြီး တရားမဝင် အိမ်ခြံမြေလုပ်ငန်းများ လုပ်ကိုင်နေတဲ့ ဘတ် ၅ ဘီလီယံကျော်တန်ဖိုးရှိ ကွန်ရက်တစ်ခုကို ထိုင်းရဲတပ်ဖွဲ့က ဖော်ထုတ်နိုင်ခဲ့ပြီး ရုရှားနိုင်ငံသား ၄ ဦးကို ဖမ်းဆီးလိုက်တယ်လို့သိရပါတယ်။

ရန်ကုန်မြို့ရဲ့ လမ်းပန်းဆက်သွယ်ရေး ပိုကောင်းလာဖို့အတွက် မိုးပျံအမြန်လမ်း စီမံကိန်းအပြင် မြို့တွင်းပတ်လမ်း (Inner Ring Road) နဲ့ မြို့ပြင်ပတ်လမ်း (Outer Ring Road) စီမံကိန်းတွေကို ဆက်ပြီး အကောင်အထည်ဖော်သွားမယ်လို့ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးမျိုးသန့်က ပြောလိုက်ပါတယ်။

ရန်ကုန်-ဒလ မြစ်ကူးတံတားစီမံကိန်း ပြီးစီးသွားပါက မြေဈေးကွက်ဆက်တက်လာနိုင်တယ်ဆိုပြီး လယ်မြေ များကို သိန်းထောင်ချီ ရင်းနှီးမြှုပ်နှံကာ မြေကွက်ရိုက်ပြီးရောင်းရန် ပြင်ဆင်ခဲ့သူများမှာ လတ်တလော အဝယ်မရှိ ဘဲ ဈေးကွက်အေးစက်နေခြင်းကြောင့် ဝယ်ထားတဲ့ လယ်ကွက်များကို လယ်အငှားချကာ လယ်ပြန်စိုက် ခိုင်းရမလို အခြေအနေဖြစ်နေတယ်လို့  ဒေသခံများထံမှ သိရပါတယ်။

မြန်မာနိုင်ငံရဲ့ လက်ရှိဥပဒေ ပြဋ္ဌာန်းချက်များအရ အိမ်ခြံမြေအကျိုးဆောင်လုပ်ငန်းသည် သတ်မှတ်ထား တဲ့လုပ်ငန်း အမျိုးအစားထဲတွင် ပါဝင်နေပြီး၊ သက်ဆိုင်ရာ ကြီးကြပ်ရေးအာဏာပိုင်ထံ ကြိုတင်တင်ပြခြင်း မရှိဘဲ လုပ်ငန်းဆောင်ရွက်ခွင့် မရှိကြောင်း သိရပါတယ်။

ရန်ကုန်တိုင်းဒေသကြီး၊ မှော်ဘီမြို့နယ်ရှိ အမှတ်(၂) အကြီးစားစက်မှုလုပ်ငန်း၊ မီးခံဘိလပ်မြေပြားထုတ်လုပ်ရေးဌာန(မှော်ဘီ)ပိုင် မြေလွတ်ဧရိယာ (၃) ခုကို ပုဂ္ဂလိကလုပ်ငန်းရှင်များထံ ငါးနှစ်ကာလအတွက် ငှားရမ်းဆောင်ရွက်ခွင့်ပြုသွားမှာဖြစ်တယ်လို့  စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာနရဲ့ ထုတ်ပြန်ချက်အရ သိရပါတယ်။

ဒဂုံမြို့သစ်မြောက်ပိုင်းမြို့နယ်မှာ မြို့သစ်တည်ဆောက်စဉ်က သိမ်းဆည်းခံခဲ့ရတဲ့ လယ်ယာမြေတွေအတွက် လျော်ကြေးမရသေးတဲ့ တောင်သူ ၂၀၀ ကျော်ကို ဘယ်အချိန်မှာ လျော်ကြေးပေးအပ်သွားမလဲဆိုတာနဲ့ပတ်သက်ပြီး ရန်ကုန်တိုင်းဒေသကြီး အမျိုးသားလွှတ်တော်ကိုယ်စားလှယ်မဲဆန္ဒနယ်အမှတ် (၁၀) က လွှတ်တော်ကိုယ်စားလှယ် ဦးကျော်ကျော်လတ်က မေးမြန်းခဲ့တာဖြစ်တယ်။

ရန်ကုန် - ပြည် ရထားလမ်းပိုင်းတွင် ခေတ်မီ DEMU ရထားတွဲဆိုင်းသစ်များ အရှိန်အဟုန်ဖြင့် မကြာမီ စတင်ပြေးဆွဲတော့မှာဖြစ်ပြီး၊ အများပြည်သူ ဘေးအန္တရာယ်ကင်းရှင်းစေရေးအတွက် ရထားလမ်းဘေးတစ်လျှောက်ရှိ တရားမဝင် ကျူးကျော်နေထိုင်သူများအား အမြန်ဆုံး ဖယ်ရှားရှင်းလင်းနိုင်ရေးကို အလေးထားဆောင်ရွက်လျက်ရှိတယ်လို့သိရပါတယ်။