မွန်ပြည်နယ်၊ မော်လမြိုင်မြို့၊ မုပွန်ရပ်ကွက်မှာရှိတဲ့ မြေဧရိယာ ၃၀ ဒသမ ၈၅၄ ဧကပေါ်တွင် ကုန်တင်ကားကြီးရပ်နားစခန်း၊ ကုန်စည်သိုလှောင်ရုံများ၊ Shopping Mall နှင့် သစ်သီးဝလံဈေးတို့ တည်ဆောက်သွားမှာဖြစ်တယ်လို့  မွန်ပြည်နယ်အစိုးရအဖွဲ့၊ မွန်ပြည်နယ်စည်ပင်သာယာရေးအဖွဲ့ရဲ့ ထုတ်ပြန်ချက်အရ သိရပါတယ်။

မကွေးတိုင်းဒေသကြီး၊ မကွေးမြို့မှာ အဆင့်မြင့်ဈေးစီမံကိန်းတစ်ခု အကောင်အထည်ဖော် တည်ဆောက်နိုင်ဖို့အတွက် မကွေးမြို့နယ်စည်ပင်သာယာရေးအဖွဲ့က စိတ်ဝင်စားတဲ့ မြန်မာနိုင်ငံသား လုပ်ငန်းရှင်တွေနဲ့ ကုမ္ပဏီတွေကို ဖိတ်ခေါ်ထားပါတယ်။

ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်က မင်္ဂလာဈေးသစ်ကို လာမယ့် နိုဝင်ဘာလ ပထမပတ်အတွင်း ဖွင့်လှစ်ဖို့ စီစဉ်နေပြီးလက်ရှိမှာတော့ ဈေးသူ၊ ဈေးသားတွေကို ဆိုင်ခန်းတွေအတွင်း ရောင်းကုန်ပစ္စည်းတွေ စတင်ရွှေ့ပြောင်းနေရာချထားခွင့် ပြုထားပြီလို့ YCDC ထံက သိရပါတယ်။

မန္တလေးငလျင်ကြီးကြောင့် ပြိုကျခဲ့ပြီး လူပေါင်း ၂၀၀ ကျော် သေဆုံးခဲ့တဲ့ Sky Villa ကွန်ဒိုရဲ့ မြေကွက်နဲ့ ပိုင်ဆိုင်ခွင့်တွေကို လာမယ့် နိုဝင်ဘာလအတွင်း လေလံတင်ရောင်းချသွားမယ်လို့ သိရပါတယ်။

ထိုင်းနိုင်ငံမှာ နိုင်ငံခြားသားတွေက ထိုင်းနိုင်ငံသားတွေကို အမည်ခံအသုံးပြုပြီး စီးပွားရေးလုပ်ငန်း လုပ်ကိုင်တာနဲ့ မြေယာပိုင်ဆိုင်တာတွေကို တစ်နိုင်ငံလုံးအတိုင်းအတာနဲ့ တိုးချဲ့နှိမ်နင်းသွားမယ်လို့ ဝန်ကြီးချုပ် အနုတင် ချန်ဗီရာကူလ်က အောက်တိုဘာ ၂၁ ရက်မှာ ကြေညာခဲ့ပါတယ်။

ကရင်ပြည်နယ်၊ ဘားအံမြို့မှာ စိုက်ပျိုးရေးအတွေ့အကြုံနဲ့ အပန်းဖြေခရီးသွားလုပ်ငန်းကို ပေါင်းစပ်ထားတဲ့ Kawt Ma Yan Resort ကို မကြာမီ ဖွင့်လှစ်သွားမှာဖြစ်ပါတယ်။

လှိုင်ရတနာမြို့သစ်စီမံကိန်းကို မွန်ပြည်နယ်အစိုးရအဖွဲ့နဲ့ ငွေမိုးလုပ်ငန်းစုတို့ ပူးပေါင်းအကောင်အထည်ဖော်နေတာဖြစ်ပြီး မြေကွက်တွေကို ဇုန် A၊ ဇုန် B နဲ့ ဇုန် C ဆိုပြီး အမျိုးအစား သုံးမျိုးခွဲခြားကာ ထောင်နဲ့ချီ ဖော်ထုတ်ထားတယ်လို့ သိရပါတယ်။

ရန်ကုန်မြို့ရဲ့ အိမ်ခြံမြေဈေးကွက်မှာ ဝါကျွတ်ကာလနီးလာလို့ အိမ်အရောင်းအဝယ်တွေထက် အိမ်အငှား ပိုရှာဖွေသူများနေကြောင်း အိမ်ခြံမြေအကျိုးဆောင်တွေဆီက သိရပါတယ်။ 

ပဲခူးတိုင်းဒေသကြီး၊ စစ်ကိုင်းတိုင်းဒေသကြီး၊ ကရင်ပြည်နယ်နဲ့ ရှမ်းပြည်နယ်မြောက်ပိုင်းတို့မှာရှိတဲ့ နှစ်ပေါင်း ၁၀၀ နဲ့အထက် သက်တမ်းရှိ အဆောက်အအုံ ၁၄ ခုကို ရှေးဟောင်းအဆောက်အအုံတွေအဖြစ် သတ်မှတ်လိုက်ပြီလို့ မြန်မာနိုင်ငံတော်ပြန်တမ်း ထုတ်ပြန်ချက်အရ သိရပါတယ်။

ထိုင်းနိုင်ငံ၊ ဘန်ကောက်မြို့မှာ နိုင်ငံခြားသားတွေက ထိုင်းနိုင်ငံသားတွေကို အမည်ခံအသုံးပြုပြီး ပိုင်ဆိုင်ထားတယ်လို့ သံသယရှိတဲ့ တန်ဖိုး ဘတ် ၆ ဘီလီယံကျော်ရှိ ဇိမ်ခံအိမ် ၉၄ လုံးကို ထိုင်းရဲတပ်ဖွဲ့က ဝင်ရောက်စစ်ဆေးခဲ့ပြီး လူ ၁၁ ဦးကို ဖမ်းဆီးခဲ့တယ်လို့ သိရပါတယ်။