ပဲခူးမြစ်ကူး သန်လျင်တံတား အမှတ် (၃) ပြီးစီးနေပြီဖြစ်သည့်အတွက်သန်လျင်၊ ကျောက်တန်း၊ ခရမ်း၊ သုံးခွ မြို့နယ်တို့၌အိမ်ခြံမြေဈေးကောင်းနေ
ပဲခူးမြစ်ကူး သန်လျင်တံတား အမှတ် (၃) ပြီးစီးနေပြီဖြစ်သည့်အတွက်သန်လျင်၊ ကျောက်တန်း၊ ခရမ်း၊ သုံးခွ မြို့နယ်တို့၌ဘအိမ်ခြံမြေဈေးကောင်းနေ
မေ(၁၄)ရက်။
Myanmar Property Dealer
ရန်ကုန်တိုင်းဒေသကြီး သာကေတမြို့နယ်နှင့် သန်လျင်မြို့နယ်တို့ကို ဆက်သွယ်ထားတဲ့ ပဲခူးမြစ်ကူး သန်လျင်တံတား အမှတ် (၃) တည်ဆောက်မှု လုပ်ငန်းများ ပြီးစီးနေပြီဖြစ်တဲ့အတွက်သန်လျင်၊ ကျောက်တန်း၊ ခရမ်း၊ သုံးခွ မြို့နယ်တို့မှာအိမ်ခြံမြေဈေးကောင်းနေကြောင်း အိမ်ခြံမြေအကျိုးတော်ဆောင်လုပ်ကိုင်နေသူများရဲ့ပြောပြချက်အရ သိရပါတယ်။
လက်ရှိမှာ တံတားတည်ဆောက်ပြီးစီးမှုမှာ၉၉ ရာခိုင်နှုန်းခန့် ပြီးစီးနေပြီးအဆိုပါတံတားပြီးစီးမှုရာခိုင်နှုန်းမြင့်တက်တာနှင့်အတူအိမ်ခြံမြေဈေးနှုန်းတွေကလည်းမြင့်တက်လာခြင်းဖြစ်ပါတယ်။
“တံတားလည်း ပြီးတော့မယ် ဆိုတော့ သန်လျင်ဘက်ကအရောင်း အဝယ်တွေ သွက်လာတယ်။ ပေ ၄၀x ၆၀ မှာ တစ်ထောင်၊ တစ်ထောင့်တစ်ရာ လောက်ရနေတယ်” လို့ အိမ်ခြံမြေအကျိုးတော်ဆောင်လုပ်ကိုင်နေသူတစ်ဦးကပြောပါတယ်။
ဒါ့အပြင် သီလဝါအထူးစီးပွား ရေးဇုန်ကို အကြောင်းပြုပြီး ပြည်တွင်း၊ ပြည်ပ စီးပွားရေး လုပ်ငန်းများ တိုးပွားလာမှုကြောင့် ရန်ကုန်မြို့အပါအဝင် ရန်ကုန် တောင်ပိုင်းခရိုင် မြို့နယ်များဖြစ်တဲ့ သန်လျင်၊ ကျောက်တန်း၊ ခရမ်း၊ သုံးခွဒေသရဲ့အိမ်ခြံမြေဈေးများ မြင့်တက်လာခြင်းဖြစ်ပါတယ်။