မြန်မာနှင့် တရုတ် (တိုင်ပေ)  ထိပ်ဆုံးမှာရှိနေ တဲ့ ထိုင်းက ကွန်ဒိုဝယ်ယူမှု

ဖေဖော်ဝါရီလ (၅)ရက်။

Myanmar Property Dealer

ထိုင်းနိုင်ငံမှာရှိတဲ့ ကွန်ဒိုတွေ ဝယ်ယူမှုအများဆုံးစာရင်းမှာ  မြန်မာနှင့် တရုတ် (တိုင်ပေ)  က ထိပ်ဆုံးမှာရှိနေတယ်လို့ သိရပါတယ်။

ထိုင်းအိမ်ခြံမြေသတင်းအချက်အလက်စင်တာ (REIC) ရဲ့ ၂၀၂၄ ခုနှစ် စာရင်းအရ ထိုင်းကွန်ဒို ဝယ်လိုအားဟာ ပြီးခဲ့တဲ့ ၂ နှစ်ကထက် ကျဆင်းသွားပေမယ့် မြန်မာနဲ့ ထိုင်ဝမ်နိုင်ငံသားတွေရဲ့ ဝယ်ယူမှုကတော့ ပိုများလာခဲ့တယ်လို့ ဆိုပါတယ်။

အရင်က ထိုင်းကွန်ဒိုဝယ်ယူမှုအများဆုံး ရုရှားနဲ့ တရုတ်နိုင်ငံတွေကို ကျော်လွန်ပြီး မြန်မာနဲ့ တရုတ် (တိုင်ပေ)  က ဝယ်ယူမှုအများဆုံးဖြစ်လာတာပါ။ ၂၀၂၄ ခုနှစ်အတွင်း ထိုင်းဘတ် ၇ ဒသမ ၄ ဘီလီယံ တန်ဖိုးရှိတဲ့ ကွန်ဒို ၁၃၈၈ ခန်းကို မြန်မာနိုင်ငံသားတွေ ဝယ်ယူခဲ့တယ်လို့ထိုင်းအိမ်ခြံမြေသတင်းအချက်အလက်စင်တာ (REIC) ရဲ့ဖော်ပြချက်အရ သိရပါတယ်။

 ထိုင်းဘတ် ၄ ဒသမ ၃ ဘီလီယမ် တန်ဖိုးရှိတဲ့ ကွန်ဒို ၈၃၆ ခန်းကို   တရုတ် (တိုင်ပေ)  နိုင်ငံသားတွေက ဝယ်ယူခဲ့တယ်လို့ သိရပြီး၊ ယခုနှစ် ထိုင်းကွန်ဒို ဝယ်ယူမှုမှာလည်း တရုတ်၊ မြန်မာ၊ ရုရှားနဲ့ ထိုင်ဝမ်က ထိပ်ဆုံးမှာ ရှိနေလိမ့်မယ်လို့ ၎င်းတို့ကခန့်မှန်းထားရှိပါတယ် ။