သီလဝါအိမ်ရာနှင့် ကနောင်အိမ်ရာတို့၌ ရောင်းချခဲ့သော အခန်းများအား ယာယီနေထိုင်ခွင့်ထုတ်ပေးမည်

မတ်လ (၁၈)ရက်။

Myanmar Property Dealer

 ပြီးခဲ့တဲ့  ၂၀၂၄  ခုနှစ်တွင် အိမ်ရာချေးငွေလုပ်ငန်းဖွံ့ဖြိုး တိုးတက်ရေးစီမံကိန်း အစီအစဉ်ဖြင့် ရောင်းချခဲ့တဲ့ သီလဝါအိမ်ရာနှင့် ကနောင်အိမ်ရာရှိ အခန်းများအား မြို့ပြနှင့်အိမ်ရာဖွံ့ဖြိုးရေးဦးစီးဌာနမှ ယာယီနေထိုင်ခွင့် ထုတ်ပေးသွားမှာဖြစ်တယ်လို့ အသိပေးကြေညာထားရှိပါတယ်။

အဆိုပါအိမ်ရာရှိ အခန်းများကို ဌာနသို့ အမည် စာရင်း ပေးပို့ထားပြီးဖြစ်ကာ အခန်းဝယ်ယူခွင့် ရရှိထားသူများအား ယာယီနေထိုင်ခွင့် ပြုပေးသွားမှာ ဖြစ်ပြီး ယခု မတ်လ ၂၀ ရက်မှ ၂၈ ရက်အထိ ရုံးချိန်အတွင်း ရန်ကုန်တိုင်းဒေသကြီး၊ မြို့ပြနှင့်အိမ်ရာဖွံ့ဖြိုးရေးဦးစီးဌာန (အမှတ်၂၂၈/၂၃၄၊ ဗိုလ်ချုပ်အောင်ဆန်းလမ်း၊ ဗိုလ်တထောင်မြို့နယ်)တွင် ယာယီနေထိုင်ခွင့် အကြောင်းကြားစာ ထုတ်ပေးခြင်းကို ဆောင်ရွက်ပေးသွားမှာဖြစ်တယ်လို့သိရပါတယ်။

ကိုယ်တိုင် ထုတ်ယူမယ့်သူများအနေဖြင့်  မှတ်ပုံတင်မူရင်းနှင့်မိတ္တူ၊ သန်းခေါင်စာရင်းမိတ္တူ တို့ဖြင့်လည်းကောင်း၊ ကိုယ်စားထုတ်ယူမယ်ဆိုပါက ကိုယ်စားလှယ်လွှဲစာမူရင်း၊ ကာယကံရှင်နှင့် ကိုယ်စားလှယ်၏ မှတ်ပုံတင်မူရင်းနှင့်မိတ္တူ၊ သန်းခေါင်စာရင်း မိတ္တူ တို့ဖြင့်လည်းကောင်း တင်ပြ၍ ထုတ်ယူရမှာဖြစ်ပါတယ်။

 ဒါ့အပြင် အခန်းဝယ်ယူခွင့်ရရှိသူများအနေဖြင့် ချေးငွေနှင့်ပတ်သက်တဲ့လုပ်ငန်းများကို CHID Bank နှင့် ပြီးပြတ်အောင် ဆောင်ရွက်ရမှာဖြစ်ပြီး ယာယီနေထိုင်ခွင့်နှင့်စပ်လျဉ်း၍ အသေး စိတ် စုံစမ်းမေးမြန်းလိုပါက ၀၉-၉၈၃၉၃၀၈၈၁ ၊ ၀၉-၄၂၁၇၂၁၀၃၃ သို့ ရုံးချိန်အတွင်း ဆက်သွယ် မေးမြန်း နိုင်ကြောင်း အသိပေးထားရှိပါတယ်။