ဧပြီလ (၁၁)ရက်။

Myanmar Property Dealer

ဆောက်လုပ်ရေးဝန်ကြီးဌာန၊မြို့ပြနှင့်အိမ်ရာဖွံ့ဖြိုးရေးဦးစီးဌာနက ဆောက်လုပ်ထားတဲ့ အောင်မြင့်မိုရ်အိမ်ရာ အတွင်း ရှိ အခန်း(၁၀၄)ခန်းကိုအတိုးနှုန်းသက်သာသောချေးငွေစနစ်ဖြင့်ချိတ်ဆက်ပြီး၂၀၂၄ခုနှစ်၊မေလတွင် ရောင်းချသွားမှာဖြစ်တယ်လို့သိရပါတယ်။

ဆောက်လုပ်ရေး၊အိမ်ရာနှင့်အခြေခံအဆောက်အအုံဖွံ့ဖြိုးရေးဘဏ်မှာ ၂၀၂၃ ခုနှစ်၊ဒီဇင်ဘာ ၃၁ရက်နေ့အထိ အိမ်ရာစုဆောင်းငွေကျပ်သိန်း (၃၀)နှင့်အထက်ပြည့်မီအောင်စုဆောင်းထားတဲ့စာရင်း (၂၂၉၃)ဦးတွင်ပါဝင်သူများ အနေဖြင့် မြို့ပြနှင့်အိမ်ရာဖွံ့ဖြိုး‌ရေးဦးစီးဌာန၏ DUHD Sale Housing Facebook Messenger မှတဆင့် စာရင်းပေးသွင်းလျှောက်ထားရမှာဖြစ်ပါတယ်။

Messenger မှတဆင့်အမည်စာရင်း လက်ခံခြင်းကို ၂၂-၄-၂၀၂၄ ရက်နေ့မှ ၃-၅-၂၀၂၄ ရက်နေ့အတွင်းရုံးဖွင့်ရက်များတွင် နံနက် ၉း၃၀ မှ၄း၃၀ အထိဆောင်ရွက်ပေးသွားမည်ဖြစ်ပြီး ရောင်းချပေး နိုင်မယ့်အခန်းအရေအတွက်အရ စာရင်းပေးသွင်းထားသူများအနက် ဘဏ်ရဲ့တန်းစီဇယားအမှတ်စဉ်အလိုက် အခန်းမဲနှိုက်ပေးခြင်းကို ၇-၅-၂၀၂၄ ရက်နေ့တွင်ဆောင်ရွက်သွားမှာဖြစ်ပါတယ်။ အခန်းဝယ်ယူခွင့်ရသူများ အနေဖြင့် အိမ်ရာချေးငွေအားမဖြစ်မနေချေးယူရမှာဖြစ်တယ်လို့သိရပါတယ်။