သုခဒဂုံပြည်သူ့အငှားအိမ်ရာဝင်းအတွင်း ငါးဧက အကျယ်ရှိမြေနေရာပေါ်တွင် YBS ယာဉ် ညအိပ်ရပ်နားကွင်း ဆောက်လုပ်လျက်ရှိ

ဇန်နဝါရီ (၂၅)ရက်။

Myanmar Property Dealer

ဒဂုံမြို့သစ်(တောင်ပိုင်း)မြို့နယ် သုခဒဂုံပြည်သူ့အငှားအိမ်ရာဝင်းအတွင်းရှိ ငါးဧက အကျယ် မြေပေါ်တွင် YBS ယာဉ်များညအိပ်ရပ်နားရန်အတွက် ညအိပ်ရပ်နားကွင်းဆောက်လုပ်လျက်ရှိ တယ်လို့သိရပါတယ်။

ရန်ကုန်မြို့တွင်း ပြေးဆွဲလျက်ရှိတဲ့ YBS ခရီးသည်တင်ယာဉ် များ ညအိပ်ရပ်နားနိုင်ရန်အတွက်ယာဉ်ရပ်နားကွင်း ၁၅ ကွင်းကို ၂၀၂၄ ခုနှစ် အတွင်း အပြီးတည်ဆောက်သွားမှာဖြစ်တယ်လို့သိရပြီး လက်ရှိတွင်ယာဉ်ရပ်နားကွင်းများကို ဒဂုံမြို့သစ်(ဆိပ်ကမ်း)၊ ဒဂုံမြို့သစ်(တောင်ပိုင်း) ၊ သာကေတ ၊ မြောက်ဥက္ကလာ၊ ရွှေပေါက်ကံ မြို့သစ် ၊ မင်္ဂလာဒုံ ၊ ထောက်ကြန့်နှင့်လှိုင်သာယာမြို့နယ်များတွင် တည်ဆောက်လျက်ရှိနေတယ်လို့လည်း သိရပါတယ်။

ရန်ကုန်မြို့အတွင်း နေ့စဉ်ပြေးဆွဲလျှက်ရှိတဲ့ YBS ယာဉ်လိုင်း ၁၃၁လိုင်း၊ ယာဉ်စီးရေ ၃၈၁၄စီးနှင့် ခရီးသည် ဦးရေ၁၅၂၉၄၂၄ရှိနေတယ်လို့လည်းသိရပါတယ်။