သီလဝါအထူးစီးပွားဇုန်အတွင်း ရင်းနှီးမြှုပ်နှံမှု ဒေါ်လာသန်း ၁၀၀ ကျော်တိုးတက်ခဲ့ဟုဆို‌

ဧပြီလ(၂၃)ရက်။

Myanmar Property Dealer

နစကအစိုးရ လက်ထက် သီလဝါအထူးစီးပွားဇုန်အတွင်း ရင်းနှီးမြှုပ်နှံမှုပမာဏ ကန်ဒေါ်လာသန်း ၁၀၀ ကျော်တိုးတက်ခဲ့တယ်လို့ သီလဝါအထူးစီးပွားရေးဇုန် စီမံခန့်ခွဲရေးကော်မတီမှ သိရပါတယ်။

 သီလဝါအထူးစီးပွားရေးဇုန်အနေဖြင့် ၂၀၂၃-၂၀၂၄ ဘဏ္ဍာနှစ်တွင် ကန်ဒေါ်လာ ၆ ဒသမ ၂ သန်း ရင်းနှီးမြှုပ်နှံမှုတိုးလာပြီး၊ယခုလာမယ့် ၂၀၂၄-၂၀၂၅ ဘဏ္ဍာနှစ်တွင် ထပ်တိုးရန် ပြင်ဆင်ထားတဲ့ Proposal များရှိနေတယ်လို့လည်းသိရပါတယ်။

 " ဒီလက်ထက်မှာ ရင်းနှီးမြှုပ်နှံမှုတိုးတဲ့ဟာက အမေရိကန်ဒေါ်လာသန်း ၁၀၀ ကျော်လောက်ဖြစ်သွားတယ်။ ဒါကတော့ ရင်းနှီးမြှုပ်နှံမှုတိုးတဲ့ ပမာဏပေါ့။ ပို့ကုန်တင်ပို့တဲ့အပိုင်းမှာဆိုရင်လည်း မနှစ်ကဆိုလို့ရှိရင် သီလဝါအထူးစီးပွားရေးဇုန်ရဲ့ တည်ဆောက်လာတဲ့ ကာလအတွင်းမှာ အများဆုံး တင်ပို့နိုင်တဲ့ပမာဏရရှိခဲ့ပါတယ်။ ကျွန်တော်တို့ရဲ့ တင်ပို့တဲ့ပို့ကုန်ပမာဏဟာ နိုင်ငံတော်ပို့ကုန်ပမာဏရဲ့ ၂ ရာခိုင်နှုန်းလောက် ကျွန်တော်တို့ ဆောင်ရွက်ထားနိုင်ခဲ့တယ်" ဟု သီလဝါအထူးစီးပွားရေးဇုန် စီမံခန့်ခွဲရေးကော်မတီမှ တာဝန်ရှိသူတစ်ဦးကပြောပါတယ်။

 နစက စတင်တာဝန်ယူခဲ့တဲ့ ၂၀၂၁-၂၀၂၂ ဘဏ္ဍာနှစ်၊ ၂၀၂၂-၂၀၂၃ ဘဏ္ဍာနှစ်နှင့် ၂၀၂၃-၂၄ ဘဏ္ဍာနှစ် သုံးနှစ်အတွင်း စုစုပေါင်းနိုင်ငံခြားရင်းနှီးမြှုပ်နှံမှုပမာဏ ဒေါ်လာ ၂ ဒသမ ၉၄၄ ဘီလီယံသာ ခွင့်ပြုနိုင်ခဲ့ပြီး နိုင်ငံခြားရင်းနှီးမြှုပ်နှံမှု ဝင်ရောက်မှုနည်းပါးခဲ့တယ် လို့လည်းသိရပါတယ်။

 သီလဝါအထူးစီးပွားရေဇုန်အနေဖြင့် ၆၆၇ ဒသမ ၂၇၅ ဟက်တာကျယ်ဝန်းပြီး ဇုန်(A) နှင့် ဇုန်(B) ခွဲကာ Free Zone ESihf Promotion Zone သတ်မှတ်ထားပြီး နိုင်ငံပေါင်း ၂၁ နိုင်ငံမှ ကုမ္ပဏီပေါင်း ၁၁၄ ခုက ရင်းနှီး မြှုပ်နှံထားကြောင်းသိရပါတယ်။

(သဲသဲ)