ပြင်ဦးလွင်မြို့နယ်ရှိ နိုင်ငံတော်ပိုင်မြေတွင် ပုဂ္ဂလိက အထူးကုဆေးရုံ ဖွင့်လှစ်လိုသူများအတွက် တင်ဒါခေါ်

ဖေဖော်ဝါရီ (၁၉)ရက်။

Myanmar Property Dealer

မန္တလေးတိုင်းဒေသကြီး၊ ပြင်ဦးလွင်မြို့နယ်ရှိ နိုင်ငံတော်ပိုင်မြေတွင် တည်ဆောက်-လုပ်ငန်းဆောင်ရွက်-လွှဲပြောင်း၊ Built-Operate-Transfer (BOT) ပုံစံဖြင့်နိုင်ငံတကာအဆင့်မီပုဂ္ဂလိကအထူးကုဆေးရုံလုပ်ငန်း တည်ထောင်ဖွင့်လှစ်ရန် လျှောက်ထားလိုတဲ့ ကုမ္ပဏီများအား စိတ်ဝင်စားမှုအဆိုပြုလွှာ တင်ပြရန် နိုင်ငံပိုင်သတင်းစာများမှတဆင့်ဖိတ်ခေါ်ထားရှိတာကိုတွေ့ရပါတယ်။

အဆိုပါဖိတ်ခေါ်ချက်ထဲတွင်  “ မျက်စိရောဂါကုသမှု၊ ကင်ဆာရောဂါကုသမှု၊ ဆီးနှင့်ကျောက်ကပ်ရောဂါ ကုသမှုနှင့်ကျောက်ကပ်အစားထိုးခွဲစိတ်ကုသမှု၊အထွေထွေရောဂါအထူးကုသမှုတို့ကိုဦးစားပေးဆောင်ရွက်ခြင်းဖြင့်ပုဂ္ဂလိကကျန်းမာရေးအခန်းကဏ္ဍဖွံ့ဖြိုးတိုးတက်စေရန် ပြည်သူလူထုအတွက် လိုအပ်သောကျန်းမာရေး ဝန်ဆောင်မှုများ အားဖြည့်ဆောင်ရွက်သွားရန်လိုအပ်ချက်ကြောင့်’’ဖြစ်သည်ဟုလည်း ပါရှိပါတယ်။

ယင်းအဆိုပြုလွှာများကို မန္တလေးတိုင်းဒေသကြီး၊ ပြင်ဦးလွင်မြို့တွင် ပုဂ္ဂလိက ဆေးရုံများ တည်ထောင်ဖွင့်လှစ်နိုင်ရန် အကောင်အထည်ဖော်ရေး ကော်မတီက ဖိတ်ခေါ်ထားခြင်း ဖြစ်ပြီး

စိတ်ဝင်စားတဲ့ နိုင်ငံသားရင်းနှီးမြှပ်နှံသူများအနေဖြင့် စိတ်ဝင်စားမှု အဆိုပြုလွှာအား ကုသရေးဦးစီးဌာန၊ ကျန်းမာရေးဝန်ကြီးဌာနသို့ (Hard copy/Soft copy/Word Files) များဖြင့် ဧပြီလ (၂၃) ရက် ညနေ (၄)နာရီ နောက်ဆုံးထား လျှောက်ထားရမှာ ဖြစ်တယ်လို့လည်းသိရပါတယ်။

လျှောက်လွှာရယူလိုသူများအနေဖြင့်ပုဂ္ဂလိက ကျန်းမာရေးဌာနခွဲ၊ ကုသရေးဦးစီးဌာန၊ ကျန်းမာရေးဝန်ကြီးဌာန ၊ ရုံးအမှတ် (၄) နေပြည်တော်တွင် လာရောက် ထုတ်ယူရမှာဖြစ်တယ်လို့လည်း နိုင်ငံပိုင်သတင်းစာများ တွင်ဖော်ပြထားရှိပါတယ်။