ရိုးမရိပ်သာ တန်ဖိုးနည်းအိမ်ရာစီမံကိန်းမှ အခန်းများအတွက် လျှောက်လွှာတင်သွင်းနိုင်ပြီဖြစ်ကြောင်းသိရ။

ဖေဖော်ဝါရီ ( ၁၃)ရက်။

Myanmar Property Dealer

ဒဂုံမြို့သစ်ဆိပ်ကမ်းမြို့နယ်မှာရှိတဲ့ ရိုးမရိပ်သာ တန်ဖိုးနည်းအိမ်ရာစီမံကိန်းမှ အခန်းများကို ဝယ်ယူလိုသူများအနေဖြင့်လျှောက်လွှာတင်သွင်းပြီးဝယ်ယူ‌နိုင်တယ်လို့ ရန်ကုန်တိုင်းဒေသကြီးအစိုးရအဖွဲ့မှ သိရပါတယ်။

ရန်ကုန်တိုင်းဒေသကြီးအစိုးရအဖွဲ့အနေဖြင့် ရိုးမရိပ်သာ တန်ဖိုးနည်းအိမ်ရာမှ ဆောက်လုပ်ပြီးစီးတဲ့ အိမ်ခန်းများကို နေရေးအခက်အခဲရှိဝင်ငွေနည်း ပြည်သူများအား ရောင်းချပေးသွားမှာဖြစ်ပြီးဝယ်ယူလိုသူများအနေဖြင့် လျှောက်လွှာများကို ဖေဖော်ဝါရီ ၁၃ရက်နေ့ကနေစတင် ဝယ်ယူလျှောက်ထားနိုင်တယ်လို့သိရပါတယ်။

အဆိုပါ အိမ်ခန်းလျှောက်လွှာများကို မြို့ပြနှင့်အိမ်ရာဖွံ့ဖြိုးရေးဦးစီးဌာန၊ ရန်ကုန်တိုင်းဒေသကြီးညွန်ကြားရေးမှူးရုံး၊မြေညီထပ်(Yangon City Gallery)တွင် ဖေဖော်ဝါရီလ ၁၃ ရက်မှ ၂၁ရက်အထိ ရောင်းချပေးသွားမှာဖြစ်တယ်လို့သိရပါတယ်။

လျှောက်လွှာများကို သတ်မှတ်ပုံစံအတိုင်းဖြည့်သွင်းပြီး ဖေဖော်ဝါရီလ ၁၇ ရက်မှ ၂၅ ရက် ရုံးချိန်အတွင်း ပြန်လည်တင်ပြရမှာဖြစ်ပြီးတင်ပြလာတဲ့ လျှောက်လွှာများအား စိစစ်ပြီးပါက ဝယ်ယူခွင့်ရရှိသူများအား အကြောင်းပြန်ကြားပေးသွားမှာဖြစ်တယ်လို့လည်းသိရပါတယ်။