ထားဝယ်ရေနက်ဆိပ်ကမ်းစီမံကိန်းနှင့်အတူ နျူကလီးယားဓာတ်အားပေးစက်ရုံကို Rosatom ကဆောင်ရွက်မည်

ဖေဖော်ဝါရီလ (၆)ရက်။

Myanmar Property Dealer

မြန်မာနိုင်ငံတောင်ဘက်ပိုင်းတွင် အကောင်အထည်ဖော် ဆောင်ရွက်မယ့်ထားဝယ်ရေနက်ဆိပ်ကမ်းစီမံကိန်းနှင့် အတူ နျူကလီးယားဓာတ်အားပေးစက်ရုံကိုရုရှား နိုင်ငံပိုင် နျူကလီးယားစွမ်းအင်ကော်ပိုရေးရှင်းဖြစ်တဲ့ Rosatom ကဆောင်ရွက်မှာဖြစ်တယ်လို့သိရပါတယ်။

 အဆိုပါစီမံကိန်းအတွက် နစကဥက္ကဌနှင့် ရုရှားသမ္မတပူတင်တို့ ကရင်မလင်နန်းတော်တွင် တွေ့ဆုံမှုအပြီး လက်မှတ်ရေးထိုးခဲ့ခြင်းဖြစ်တယ်လို့လည်းသိရပါတယ်။

ယင်း နျူကလီးယား ဓာတ်အားပေးစက်ရုံစီမံကိန်းမှလျှပ်စစ်ဓာတ်အား မဂ္ဂါဝပ် ၁၁၀ ထုတ်လုပ်ပေးနိုင်မှာဖြစ်ပြီးမဂ္ဂါဝပ် ၃၃၀ ထုတ်လုပ်ပေးနိုင်တဲ့အထိ တိုးချဲ့သွားနိုင်တယ်လို့လည်းသိရပါတယ်။

 ဒါ့အပြင် ရုရှားနိုင်ငံ ပုဂ္ဂလိကုမ္ပဏီများက တန်ချိန် နှစ်သိန်းနှင့်အထက် သင်္ဘောများဆိုက်ကပ်နိုင်တဲ့ဆိပ်ကမ်းတစ်ခုတည်ဆောက်ရန် ဆွေးနွေးမှုများရှိကြောင်းလည်းသိရပါတယ်။

၁၉၅ စတုရန်းကီလိုမီတာနီးပါး ကျယ်ဝန်းတဲ့ ထားဝယ်အထူးစီးပွားရေးဇုန်သည် မြန်မာနိုင်ငံတောင်ဘက်စွန်း တနင်္သာရီတိုင်း၊ ထားဝယ်မြို့ရဲ့ မြောက်ဘက် ကပ္ပလီပင်လယ်ပြင်နှင့် ထိုင်းပင်လယ်ကွေ့အနီး မဟာဗျူဟာကျတဲ့နေရာတွင် အကောင်အထည်ဖော်မယ့် စီမံကိန်းကြီးဖြစ်ပြီး ရေနက်ဆိပ်ကမ်း၊ စက်မှုဇုန်၊ လျှပ်စစ်စွမ်းအင်နှင့် အခြားစီမံကိန်းများပါဝင်ပြီးလည်းကောင်း စီမံကိန်းကို မြန်မာ၊ ထိုင်း၊ ဂျပန် သုံးပွင့်ဆိုင်အကောင်အထည်ဖော်မှာဖြစ်တယ်တယ်လို့ မူလက ကတိပြုထားသော်လည်း ယခုအခါ ရုရှားနိုင်ငံတစ်နိုင်ငံတည်းမှ ဆောင်ရွက်မှာဖြစ်တယ်လို့သိရပါတယ်။