ဈေးကွက်အတွင်း ဘိလပ်မြေဈေး အနည်းငယ် ကျဆင်းလာ

မတ်လ (၁၉)ရက်။

Myanmar Property Dealer

 ပြည်ပမှတင်သွင်းလာတဲ့ဘိလပ်မြေများ ဝင်ရောက်လာတာကြောင့် ဈေးကွက်အတွင်း ဘိလပ်မြေဈေး အနည်းငယ် ကျဆင်းလာတယ်လို့  အုတ်၊သဲ၊ကျောက်ရောင်းဝယ်သူများထံမှ စုံစမ်းသိရှိရပါတယ်။

ဘိလပ်မြေများ ပစ္စည်းပြတ်ပြီးနောက် ဈေးနှုန်းများအဆမတန်မြင့်တက်ခဲ့ပြီး ၂၀၂၅ ခုနှစ် ဖေဖော်ဝါရီနောက်ဆုံးပတ်မှစတင်ကာ ပြည်ပမှတင်သွင်းလာတဲ့ ဘိလပ်မြေများ ပုံမှန်ပြန်ဝင်လာတဲ့အတွက် ဈေးကျလာခြင်းဖြစ်တယ်လို့သိရပါတယ်။

ယခင်က ဘိပ်လပ်မြေ တစ်အိတ်လျှင် ကျပ် ၁ သောင်းကျော်သာရှိခဲ့ရာမှ ဘိလပ်မြေအမျိုးအစား အလိုက် တစ်အိတ်လျှင် ကျပ် ၂ သောင်း ၆ ထောင်ကျော်၊ ၂ သောင်း ၇ ထောင်ဝန်းကျင်အထိ ဈေးပေါက်ခဲ့တာပါ။

ယခုအခါ ဘိပ်လပ်မြေ တစ်အိတ်လျှင် ကျပ် နှစ်သောင်းစွန်းစွန်းသာရှိတော့ပြီး၊ဘိလပ်မြေဈေးများတက်ပြီးနောက် ဖေဖော်ဝါရီလနောက်ဆုံးပတ်နှင့် မတ်လ (၄) ရက် တွင်ပြည်ပမှ ဘိလပ်မြေ တန်ချိန်(၆၀၀၀) ဈေးကွက်အတွင်း တင်သွင်းဖြန့်ဖြူးပေးခဲ့တာဖြစ်တယ်လို့သိရပါတယ်။