ဒီဇင်ဘာ (၁၈) ရက်တွင် ခြံအမှတ် (၅၄) နေအိမ်အမှု  အမိန့်ချမည်

ဒီဇင်ဘာ (၄)ရက်။

Myanmar Property Dealer

ရန်ကုန်မြို့၊ တက္ကသိုလ်ရိပ်သာလမ်းပေါ်ရှိတဲ့ ခြံအမှတ် (၅၄) နေအိမ်အမှုကို လာမယ့် ဒီဇင်ဘာ (၁၈) ရက်တွင်အမိန့်ချမှာဖြစ်တယ်လို့ တရားရုံးနှင့်နီးစပ်သည့်အသိုင်းအဝိုင်းမှ သိရပါတယ်။

အဆိုပါနေအိမ်ကို စျေးလျှော့ပြီးထပ်မံလေလံတင်ရန် ဦးအောင်ဆန်းဦးဘက်က တရားရုံးသို့ ထပ်မံ တင်ပြထားခြင်း ဖြစ်ပြီးဒေါ်အောင်ဆန်းစုကြည်ရဲ့  ရှေ့နေအဖွဲ့က ကန့်ကွက်ထားတာဖြစ်ပါတယ်။

ဒေါ်အောင်ဆန်းစုကြည်နေထိုင်ရာခြံအမှတ် (၅၄) နေ အိမ်ကို ကျပ်ငွေ (၃၁၅) ဘီလီယံဖြင့် တစ်ကြိမ်၊ (၃၀၀) ဘီလီယံဖြင့် တစ်ကြိမ် လေလံတင်ရောင်းချခဲ့ပေမယ့် လက်ရှိအချိန်ထိလေလံဆွဲ ဝယ်ယူသူ မရှိသေးကြောင်း သိရပါတယ်။

ခြံအမှတ် (၅၄)နေအိမ်ခြံ ရဲ့  ဧရိယာအကျယ်အဝန်းက (၁.၉၂၃) ဧက ကျယ်ဝန်းပြီး စတုရန်းပေ (၈၃၇၆၅.၈၈) ပေ ရှိတယ်လို့လည်းသိရပါတယ်။