ရုပ်လုံးပေါ်စပြုလာ ပြီဖြစ်တဲ့ရုပ်ရှင်မြို့တော်စီမံကိန်း

နိုဝင်ဘာလ(၂၉)ရက်။

Myanmar Property Dealer

ဆယ်စုနှစ်ကျော်ကြာ အကောင်အထည်ဖော်ဆောင်ရွက်နေတဲ့ မြန်မာနိုင်ငံရုပ်ရှင် အစည်း အရုံးရဲ့ရုပ်ရှင်မြို့ တော်စီမံကိန်းက ယခုအခါမှာ ရုပ်လုံးပေါ်စပြုလာ ပြီဖြစ်တယ်လို့သိရပါတယ်။

ရန်ကုန်-နေပြည်တော်အမြန်လမ်း မိုင် (၂၀)၊ (၄) ဖာလုံမှာ ဧက (၂၀ဝ) ကျယ်ဝန်းတဲ့ မြေကွက်ပေါ်မှာ ရုပ်ရှင်မြို့တော်စီမံကိန်း ကို အကောင်အထည် ဖော်နေတာဖြစ်ပါတယ်။

‘’အခုခြံပတ်လမ်း ဖောက်လုပ်ပြီး ပြီ၊ အရင်ကတူးထားတဲ့အဝီစိတွင်းကိုလည်းပြန်လည်ပြုပြင်မွမ်းမံနေတယ်။ပြီးတော့ ဝန်းထဲကလမ်းသွယ်လေးတွေကိုလည်းထပ်ဖောက်နေတယ်။အဲဒါလေးတွေပြုပြင်မွမ်းမံပြီးရင်တော့စိတ်ဝင်စားတဲ့လုပ်ငန်းရှင်တွေထပ်မံဖိတ်ခေါ်မှာဖြစ်တယ်လို့’’ မြန်မာနိုင်ငံရုပ်ရှင် အစည်း အရုံးမှ ဦးအေးကြူလေးကပြောပါတယ်။

 အဆိုပါရုပ်ရှင်အစည်းအရုံးမြေနေရာကို(၂၀၂၁) ခုနှစ်နောက်ပိုင်းတွင် ပြန်လည်လုပ်ကိုင် ခွင့်ရရှိဖို့ ရုပ်ရှင်အစည်းအရုံးက လျှောက်ထားတင်ပြခဲ့ကြပြီး နစက အစိုးရ ဘက်ကလည်း (၂၀၂၄) ခုနှစ် ဖေဖော်ဝါရီလ (၂) ရက် ရက်စွဲနဲ့ ရုပ်ရှင်မြို့တော်စီမံကိန်းအတွက် ဆက်လက်တည်ဆောက်ဖို့ နှစ်ပေါင်း (၃၀)လုပ်ပိုင်ခွင့် ချပေးခဲ့တယ်လို့လည်းသိရပါတယ်။