ဆယ်စုနှစ်တစုအတွင်းအကြီးမားဆုံးမီးလောင်မှုဖြစ်ပွားခဲ့တဲ့ဟောင်ကောင်မြို့ရှိဝမ်ဖောက်ကော့အိမ်ရာဝန်း

နိုဝင်ဘာ (၂၈)ရက်။ 

ဟောင်ကောင်မြို့ တိုင်ပိုခရိုင်အတွင်းရှိ Wang Fuk Court(ဝမ်ဖောက်ကော့) အိမ်ရာဝန်းတွင် အမြင့်ဆုံးအဆင့် Level 5 မီးလောင်မှုကြီးဖြစ်ပွားခဲ့တယ်လို့ CNN World သတင်းဌာနရဲ့ဖော်ပြချက်အရသိရပါတယ်။

ဒီမီးလောင်မှုဟာ ပြီးခဲ့တဲ့ နိုဝင်ဘာ ၂၆ ရက်နေ့က တိုက်ခန်းပေါင်း (၂၀၀၀) နီးပါး ၊ အဆောက်အအုံ (၈)လုံး၊ လူပေါင်း (၄၈၀၀) ခန့် နေထိုင်တဲ့ Wang Fuk Court အိမ်ရာဝန်းတွင်ဖြစ်ပွားခဲ့တာဘဲဖြစ်ပါတယ်။

 မီးလောင်မှုဟာအဆောက်အအုံပြန်လည်ထိန်းသိမ်းရေးလုပ်ငန်းစဥ်များဆောင်ရွက်နေစဥ်ဝမ်ချောင်တာဝါ မှစတင်ခဲ့တာဖြစ်ပြီး တိုက်တလျှောက်ဆင်ထားတဲ့ငြမ်းစင်များနှင့် polystyrene ဘုတ်ပြားမှတဆင့်မီးပိုမိုကူးစက်လာပြီး အခြားတာဝါများအထိပျံနှံလာခဲ့တာဘဲဖြစ်ပါတယ်။ အိမ်ရာဝန်းအတွင်းနေထိုင်သူများရဲ့ပြောကြားချက်အရ မီးလောင်မှုစတင်ချိန်တွင် Fire Alarm များအလုပ်လုပ်ခြင်းမရှိတာကြောင့်အချိန်တိုအတွင်းမီးအလျှင်အမြန်ပျံနှံသွားတယ်လို့ဆိုပါတယ်။    

လက်ရှိတွင်တာဝါ ၈လုံးအနက် ၇လုံးမှာမီးလောင်ကျွမ်းခံရပြီး အိမ်ရာဝန်းအတွင်း နေထိုင်သူများကိုလည်းယာယီနေထိုင်ရေးအ‌ဆောက်အအုံများထံသို့ရွှေ့ပြောင်းထားကြောင်းသိရပါတယ်။ ဒါ့အပြင် ယခုမီးလောင်မှုဖြစ်စဥ်အတွင်းနစ်နာသူအိမ်ထောင်စုများကို ဟောင်ကောင်ဒေါ်လာ ၁၀၀၀၀ စီထောက်ပံကြေးပေးသွားမယ်လို့ ဟောင်ကောင်ဝန်ကြီးချုပ် John Lee ရဲ့ပြောကြားချက်အရသိရပါတယ်။  

နောက်ဆုံးရသတင်းများအရ မီးလောင်မှုကြောင့် မီးသတ်သမား(၁)ဦးအပါအဝင် သေဆုံးသူ (၉၄) ဦး၊ ဒဏ်ရရှိသူ (၇၆)ဦး နှင့် ပျောက်ဆုံးသူ(၃၀၀)ဝန်းကျင်အထိရှိကြောင်း CNN World ရဲ့ဖော်ပြချက်အရသိရှိရပါတယ်။