“ရန်ကုန်မြို့ရဲ့ ၈၀%လောက်က အိမ်ငှားတွေပါ။ ၂၀%လောက်ဘဲ အိမ်ပိုင်ပါတယ်။ အဲ့ဒါကြောင့်မို့ ရန်ကုန်တိုင်းအတွင်းမှာအိမ်ရာလိုအပ်ချက်ကတော့ အမြဲတမ်းရှိနေမှာပါ  ”

အိမ်ခြံမြေလောကမှာ ဆယ်စုနှစ်တစ်ခုကြာလုပ်ကိုင်နေတဲ့ဝါရင့်အိမ်ခြံမြေအကျိုးဆောင်တစ်ဦးလည်းဖြစ်ပြီး၊မြန်မာနိုင်ငံအိမ်ခြံမြေဝန်ဆောင်မှုအသင်း (ရန်ကုန်တိုင်း)အတွင်းရေးမှူးတာဝန်ယူထားတဲ့ ဦးမျိုးမြင့်အောင်ကို ၂၀၂၃ခုနှစ်အတွင်းအိမ်ခြံမြေ အရောင်းအဝယ် အခြေအနေ၊ ဈေးကွက်အခြေအနေတို့နဲ့ ပါတ်သက်ပြီး Myanmar Property Dealer က တွေ့ဆုံမေးမြန်းထားပါတယ်။

နှစ်စဉ်ရေရှားပါးမှုပြဿနာများနှင့်အတူ ဒလ မြို့ပေါ်ရပ်ကွက်တွင် ရေကန် ၁၂၄ ကန်၊ ကျေးရွာများအတွင်း ရေကန် ၂၀၅ ကန် ကိုသာ အဓိကအားထားနေရတဲ့ ဒလမြို့နယ်အတွင်းမှာယခုအခါရေသန့်စက်ရုံကြီးများတည်ဆောက်နေပြီဖြစ်တယ်လို့သိရပါတယ်။

အောင်မင်္ဂလာ အဝေးပြေးယာဉ်ရပ်နားစခန်း၊ ဒဂုံ-ဧရာပွဲရုံနှင့် အဝေးပြေးယာဉ်ရပ်နားစခန်း ရှိဆိုင်ခန်းများ တင်ဒါစနစ်ဖြင့် ငှားရမ်းမည်

ဧပြီလ (၅)ရက်။

Myanmar Property Dealer

ရန်ကုန်မြို့တော်စည်ပင်သာယာရေးကော်မတီ၊ အင်ဂျင်နီယာဌာန(လမ်းနှင့်တံတား) ကြီးကြပ်မှုအောက် မှာရှိတဲ့အောင်မင်္ဂလာ အဝေးပြေးယာဉ်ရပ်နားစခန်းဝန်းအတွင်းရှိ  ဒနင်းရိုးချောင်းပတ်လမ်း ကားရေဆေးဝင်းရှိ မြေနေရာ(၁၀)ခုနဲ့ ဒဂုံ-ဧရာပွဲရုံနှင့် အဝေးပြေးယာဉ်ရပ်နားစခန်းအတွင်းရှိ ဆိုင်ခန်း(၆)ခန်းတို့အား (၁)နှစ်နဲ့ (၁၁)လ ငှားရမ်းခြင်းကို တင်ဒါစနစ်ဖြင့် ငှားရမ်းမှာဖြစ်တယ်လို့သိရပါတယ်။

ဆောက်လုပ်ရေးဝန်ကြီးဌာနမှကုမ္ပဏီများကန်ထရိုက်မှတ်ပုံတင်လက်မှတ်အသစ် ပြောင်းလဲထုတ်ပေးမည်

ဧပြီလ(၃)ရက်။

Myanmar Property Dealer

ဆောက်လုပ်ရေးဝန်ကြီးဌာန၊ ကုမ္ပဏီများကန်ထရိုက်မှတ်ပုံတင်ရေးလုပ်ငန်းကော်မတီ ကနေကန်ထရိုက်စနစ်ဖြင့် ဆောင်ရွက်လိုတဲ့ ကုမ္ပဏီများကို အရည်အသွေးပိုမိုကောင်းမွန်ပြီးလုံခြုံစိတ်ချမှုရှိတဲ့ ‘’ကန်ထရိုက်မှတ်ပုံတင်ကတ်အသစ်များ’’ ဧပြီလ (၁)ရက်နေ့မှစတင်ပြောင်းလဲထုတ်ပေးနေပြီဖြစ်တယ်လို့ ဆောက်လုပ်ရေးဝန်ကြီးဌာန၊ကုမ္ပဏီများကန်ထရိုက်မှတ်ပုံတင်ရေးလုပ်ငန်းကော်မတီမှသိရပါတယ်။

ပြည်တွင်းအိမ်ခြံမြေဥပ‌ဒေအားနည်းချက်ကိုအခွင့်ကောင်းယူပြီးကိုရီးယား၊တရုတ်လူမျိုးများအကျိုးဆောင်ဝင်လုပ်နေကြဟုသိရ

မတ်လ (၃၁)ရက်။

Myanmar Property Dealer

 ပြည်တွင်းမှာရှိတဲ့အိမ်ခြံမြေအကျိုးဆောင်ဝန်ဆောင်မှုများနှင့်ပတ်သက်ပြီးတိကျခိုင်မာတဲ့ အိမ်ခြံမြေဥပဒေများထွက်ရှိလာ ခြင်းမရှိတဲ့အတွက် နိုင်ငံခြားသားတရုတ်၊ကိုရီးယားနှင့်ဂျပန်လူမျိုး တချို့အိမ်ခြံ မြေအကျိုးဆောင် လုပ်ငန်းတွေ မှာဝင်ရောက်လုပ်ကိုင်နေတယ်လို့သိရပါတယ်။

အထူးသဖြင့် လှိုင်သာယာမြို့နယ်အတွင်းမှာဆိုရင် တရုတ်လူမျိုးအကျိုးဆောင်များပြားနေပြီး၊မရမ်းကုန်းမြို့နယ် အတွင်းရှိကိုးမိုင်ဝန်းကျင်မှာလည်းကိုရီးယားလူမျိုးတချို့အိမ်၊ခြံ၊မြေ၊တိုက်ခန်း၊ ကွန်ဒိုလုပ်ငန်းတွေမှာဝင်ရောက်လုပ်ကိုင်နေကြတယ်လို့သိရတာပါ။

ရန်ကုန်တိုင်းအတွင်း လူဦးရေ (၇)သန်းကျော်ရှိနေပြီး အနယ်နယ်အရပ်ရပ်မှရွေ့ပြောင်းလုပ်ကိုင်သူများဝင်ရောက်နေထိုင်ခြင်း၊လူဦးရေထူထပ်များပြားလာခြင်းကြောင့်လက်ရှိဆောက်လက်စနဲ့ ဆောက်လုပ်ပြီး ကွန်ဒို ၊တိုက်ခန်းများ အနေဖြင့်လုံလောက်မှုမရှိပဲ လူနေအဆောက်အအုံလိုအပ်မှုများစွာရှိနေသေးတယ်လို့ ဆောက်လုပ်ရေးလုပ်ငန်းရှင်များထံမှသိရပါတယ်။

ရခိုင်ပြည်နယ် အိမ်ခြံမြေဈေးကွက်အခြေနေက လက်ရှိမှာအရောင်းအဝယ်အေးနေပြီး တချို့နေရာတွေမှာဆိုရင် အမေရိကားမှာရှိတဲ့အိမ်ခြံမြေဈေးတွေထက်တောင်ဈေးကြီးနေတယ်ဟု ဦးဆန်ရှားမောင် (စစ်တွေ)ကံပွင့်အိမ်ခြံမြေအကျိုးဆောင်လုပ်ငန်းကပြောပါတယ်။

 ‘’အရောင်းအဝယ်ကအေးနေတယ်။အေးနေတယ်ဆိုပေမယ့်လည်း လုံးဝမဖြစ်တာတော့မဟုတ်ပြန်ဘူး။သိန်း သုံးရာကနေ သိန်းထောင်ကျော်လေးတွေတော့ပါးပါးလေးဖြစ်နေကြတယ်။သိန်းသုံးထောင်၊သိန်း ငါးထောင်တွေကတော့အရောင်းအဝယ်ပါးတာပေါ့ ‘’ဟုလည်း ဦးဆန်ရှားမောင် (စစ်တွေ)ကဆိုပါတယ်။

မြန်မာ့အိမ်ခြံမြေအရောင်းပြပွဲ Myanmar Real Estate Expo 2023 ကို မရမ်းကုန်းမြို့နယ်၊ ကမ္ဘာအေးဘုရားလမ်း၊ (အင်းလျားလိပ်ဟိုတယ်၀န်း) အတွင်းမှာရှိတဲ့ Yangon Convention Center တွင် (ယနေ့)မတ်လ ၃ ရက်နေ့ကနေ  ၅ ရက်နေ့အထိ (၃) ရက်တိုင် ကျင်းပပြုလုပ်သွားမှာဖြစ်တယ်လို့သိရပါတယ်။

ချင်းပြည်နယ်အတွင်း အိမ်ခြံမြေဈေးကွက်အခြေအနေမှာ ရောင်းချသူများနေပြီးဝယ်ယူသူမရှိသလောက်ဖြစ်နေ တယ်လို့ ဒေသခံတွေထံကနေသိရပါတယ်။

ချင်းပြည်နယ်အတွင်း၊နယ်မြေ‌အေးချမ်းတည်ငြိမ်မှုမရှိခြင်းများကြောင့်အများစုမှာနေရပ်စွန့်ခွာကာရန်ကုန်၊မန္တလေးနှင့်နေပြည်တော်အစရှိတဲ့မြို့ကြီးများကိုပြောင်းရွေ့နေထိုင်ခြင်းများကလည်းချင်းပြည်နယ်အတွင်းမှာအိမ်ခြံမြေအဝယ်မရှိရခြင်းအကြောင်းတစ်ခုလည်းဖြစ်တယ်လို့ဆိုပါတယ်။