စုပေါင်းပိုင်အဆောက်အအုံဆိုင်ရာဥပဒေ (ကွန်ဒိုမီနီယံဥပဒေ)အရ  မြန်မာနိုင်ငံတွင် နိုင်ငံခြားသားများအနေဖြင့် အိမ်ခန်းများဝယ်ယူမည်ဆိုပါကဝယ်ယူခွင့်ရှိနေပြီး၊ရောင်းချသူလုပ်ငန်းရှင်များအနေဖြင့်လည်း နိုင်ငံခြားသားများကိုရောင်းချပါက ၄၀ရာခိုင်နှုန်းထက်မပိုတဲ့ အိမ်ခန်းများကိုရောင်းချခွင့်ရှိ နေပြီဖြစ်ကြောင်း သိရပါတယ်။

ထိုင်းနိုင်ငံ၊ဘန်ကောက်နှင့်မြို့ကြီးများတွင်မြန်မာနိုင်ငံသားတချို့ကတိုက်ခန်း၊ကွန်ဒိုများသွားရောက်ဝယ်ယူကြပြီး၊အဆိုပါဝယ်ယူသူအများစုမှာ နိုင်ငံရေးအခြေနေအရသော်လည်းကောင်း၊ ကလေးများ ပညာရေး၊ ကျန်းမာရေးနှင့် ရင်းနှီးမြုပ်နှံမှုတစ်ခုအရ ဝယ်ယူကြတာဖြစ်တယ်လို့လည်းသိရပါတယ်။

အဆိုပါထိုင်းနိုင်ငံအတွင်းတိုက်ခန်းကွန်ဒိုများသွားရောက်ဝယ်ယူမှုများနှင့်ပတ်သက်ပြီး’’ဘာလို့ဘန်ကောက်မှာဝယ်ကြတာလဲ ဆိုရင် အချိန်အတိုင်းအတာတစ်ခုအရ နိုင်ငံရေးအခြေနေ ရှိတယ်၊ရင်းနှီးမြုပ်နှံမှုတစ်ခုအရ ဘန်ကောက်မှာကွန်ဒိုတစ်ခုသွားဝယ်ထားရင် ဆေးလာကုတဲ့သူတွေကိုငှားစားလို့ ရမယ်။နိုင်ငံခြားသားခရီး သွား တွေကိုငှားစားလို့ရမယ်ဆိုတဲ့ရည်ရွယ်ချက်တွေနဲ့တော့သူတို့ကဝယ်ကြတာပေါ့နော်။ဈေးအားဖြင့်ကြည့်ရင်လည်းအများစုဝယ်ကြတဲ့ဈေးကသိန်း ၂၀၀၀ ၊သိန်း၃၀၀၀ ဆိုတော့ မြန်မာနိုင်ငံမှာလည်းသာမန် တိုက်ခန်းဈေးနှုန်း ပါ ‘’ဟုလည်း ကွန်ဒိုလုပ်ငန်းနှင့်ပတ်သက် ရင်းနှီးကျွမ်းကျင်သူတစ်ဦးထံမှသိရပါတယ်။

ရခိုင်ပြည်နယ်သံတွဲမြို့ရှိ ငပလီကမ်းခြေဒေသအတွင်း အပန်းဖြေအိမ်ရာစီမံကိန်း နှင့် ခရီးသွားဝန်ဆောင်မှု ကဏ္ဍများ ပူးပေါင်းဆောင်ရွက်ရေးဆိုင်ရာလုပ်ငန်း သဘောတူစာချုပ် (MoU) လက်မှတ်ရေးထိုးခြင်း အခမ်းအနားကို ဖေဖော်ဝါရီလ ၄ရက်နေ့ က Pan Pacific Hotel (Yangon) တွင် ကျင်းပ ပြုလုပ်ခဲ့ကြောင်းကို နိုင်ငံပိုင်သတင်းစာများမှတဆင့် သိရှိရပါတယ်။

ငပလီကမ်းခြေဒေသအတွင်း အပန်းဖြေအိမ်ရာစီမံကိန်း နှင့် ခရီးသွားဝန်ဆောင်မှု ကဏ္ဍများ အတွက် ရုရှား - မြန်မာချစ်ကြည်ရေးအသင်း နဲ့ ပြည်တွင်းစီးပွားရေးကုမ္ပဏီများ၊ လုပ်ငန်းရှင်များ နားလည်မှုစာချွန်လွှာ လက်မှတ်ရေးထိုးခဲ့ကြတာလည်းဖြစ်ပါတယ်။

ရန်ကုန်မြို့အတွင်းရှိ အိမ်ခြံမြေဈေးကွက် ပြီးခဲ့တဲ့ နှစ်ကုန်ပိုင်းမှစတင်ပြီး အရောင်းအဝယ်အေးနေတယ်လို့  သက်ဆိုင်ရာမြို့နယ်အလိုက်အိမ်ခြံမြေအကျိုးဆောင်တွေထံကနေသိရပါတယ်။

အရင်က အရောင်းအဝယ်ဖြစ်နေတဲ့ မြေကွက်၊တိုက်ခန်း၊ကွန်ဒိုတွေလည်း ယခုအခါမှာတော့ အရောင်းအဝယ် တော်တော်လေးနည်းပါသွားတယ်လို့လည်းသိရပြီး ဒီလိုဖြစ်လာရခြင်းမှာလည်း ပြီးခဲ့တဲ့နှစ် ၂၀၂၂ခုနှစ်နိုဝင်ဘာလ (၉)ရက်နေ့က ငွေကြေးခဝါချမှုတိုက်ဖျက်ရေးဗဟိုအဖွဲ့ကနေ အိမ်ခြံမြေအကျိုးဆောင်များဆိုင်ရာ ညွန်ကြားချက် ထုတ် ပြန်ပြီးနောက်ပိုင်းဖြစ်လာရတယ်လို့လည်းသိရပါတယ်။

ပြင်ဦးလွင်ခရိုင်၊ပြင်ဦးလွင်မြို့နယ်အတွင်း၊အောင်ချမ်းသာရွာဘက်မှာရှိတဲ့သစ်တောမြေအတွင်းမှာကော်ဖီလုပ်ကိုင်ခွင့်ပြုထားခြင်းမရှိကြောင်းသိရပြီး၊ဒါ့အပြင်မြေလွတ်မြေရိုင်များတွင်ခွင့်ပြုထားမှုအခြေနေများအားလယ်ယာမြေစီမံခန့်ခွဲရေးနှင့်စာရင်းအင်းဦးစီးဌာနမှစိစစ်လျက်ရှိတယ်လို့လည်းသိရှိရပါတယ်။

မန္တလေးတိုင်းဒေသကြီး၊ပြင်ဦးလွင်မြို့နယ်အတွင်းရှိလယ်ယာမြေ၊ မြေလွတ်မြေရိုင်းနှင့်သစ်တောမြေများတွင် တရားဝင်ခွင့်ပြုချက်မရှိဘဲအကွက် ရိုက်ဆောင်ရွက်နေခြင်းများကိုစစ်ဆေးတွေ့ရှိသဖြင့် အရေးယူထားတယ်လို့ သက်ဆိုင်ရာအာဏာပိုင်အဖွဲ့အစည်းများထံမှသိရပါတယ်။

ရန်ကုန်မြို့တော် စည်ပင်သာယာရေး ကော်မတီ ဈေးများနှင့်ကုန်စည်ပွဲရုံများ ဌာန ကွပ်ကဲမှုအောက်ရှိ လသာမြို့နယ် သိမ်ကြီးဈေး (စီ)ရုံ ဒုတိယထပ် ဆိုင်အမှတ် ၆၊ ၇၊ ၁၅၊၁၆၊၁၇၊၁၈ တို့အား တင်ဒါစနစ်နဲ့ ငှားရမ်းမယ်လို သိရပြီး တင်ဒါပုံစံရောင်းချမယ့် ရက်မှာ ၁၈-၁-၂၀၂၃ မှ ၂-၂-၂၀၂၃ရက်နေ့အထိ ဖြစ်ပြီး တင်ဒါတင်သွင်းရမည့် နောက်ဆုံးရက်မှာ ၃-၂-၂၀၂၃ (သောကြာနေ့ ၃း၀၀နာရီ) ဖြစ်တယ်လို သိရှိရပါတယ်။ 

ဆောက်လုပ်ရေးဝန်ကြီးဌာန မြို့ပြနှင့်အိမ်ရာဖွံ့ဖြိုးရေးဦးစီးဌာနမှ ဆောက်လုပ်ထားတဲ့ ဒဂုံမြို့သစ်(တောင်ပိုင်း) မြို့နယ်၊ အောင်မြင့်မိုရ်အိမ်ရာ နှင့် သန်လျင် ၊ကျောက်တန်းမြို့နယ် သီလဝါအိမ်ရာ စီမံကိန်းအတွင်းမှာဆောက်လုပ်ထားရှိတဲ့  တန်ဖိုးနည်း တန်ဖိုးသင့် အိမ်ရာအခန်းပေါင်း (၂၀၄)ခန်းကို ရောင်းချမယ်လို့ သိရှိရပါတယ်။

မြေအမည်ပေါက်ဖြစ်သူထံမှ မြေကိုအဆင့်ဆင့်ဝယ်ယူထားခဲ့ကြပြီး မိမိတို့အမည်ပြောင်းခြင်းမပြုပဲ ကိုယ်စားလှယ်လွှဲစာပါဝါ (SP/GP) ယူထားပြီးနေခြင်းမှာ အမည်ပြောင်းလျှင် အခွန်ပေးဆောင်ရမည် ဖြစ်သော          ကြောင့် ဖြစ်ပါသည်။

 ထိုသို့ ဆောင်ရွက်လိုခြင်း မရှိသည့်အတွက် ပါဝါကိုင်၍ အခွန်ရှောင်နေကြခြင်းဖြစ်သည်။ မြေအမည်ပေါက် ကွယ်လွန်လျှင် ကိုယ်စားလှယ်ပါဝါ အလိုအလျောက်ပျက်ပြယ်ပါပြီ။ မြေအမည်ပေါက် ကွယ်လွန်သွားသဖြင့် ၎င်းအမည်ပေါက်က လွှဲအပ်ထားသော ပါဝါ အသုံးမပြုလိုက်ရခင်ကို ပျက်ပြယ်သွားပြီဖြစ်သည့်အတွက် နောက်ဆုံးဝယ်ယူထားသူအတွက် ရှေ့ဆက်အစီအစဉ်အဖြစ် အမည်ပြောင်းခြင်း လုပ်ငန်းရပ်တန့် သွားပြီဖြစ်ပါတယ်။ဝယ်သူအမည်ပြောင်းနိုင်ဖို့ရာ ဥပဒေနှင့်ညီသော အခြားနည်းလမ်းများရှာဖွေရပါပြီ။

မြေအရောင်းအဝယ်စာချုပ်တစ်ခုကို ဥပဒေနဲ့အညီ ဘယ်လိုစာချုပ်ချုပ်ဆိုကြမလဲ။ပိုင်ဆိုင်မှုခိုင်မာအောင် စာချုပ်စာတမ်းတွေဘယ်လိုမှတ်ပုံတင်ကြမလဲ၊ကိုယ့်အမည်ပေါက်ဖြစ်အောင်လုပ်ကြမလဲ၊ကျွန်တော်တို့ပိုင်ဆိုင်တဲ့ ငွေကြေးဓနဥစ္စာတွေနဲ့မြေကွက်တွေဝယ်တော့မယ်ဆိုရင် အရောင်းမှားအဝယ်မှားမဖြစ်အောင်ရယ် ၊ပိုင်ဆိုင်မှုကို ခိုင်မာသထက်ခိုင်မာအောင် ဘယ်လိုလုပ်ကြမလဲဆိုတာ သိပ်အရေးကြီးပါတယ်  ။

နောက်ကျောဓားနဲ့ထိုးခံရတယ်၊ ယုံမိလို့ ဆုံးရှုံးကုန်တယ်နှုတ်ကတိပဲပေးမိပြီး ပြဿနာတက်တော့ ကတိမေပးဖူးပါဘူးလို့ ဗြောင်လိမ်ဗြောင်စားလုပ်တာခံရဖူးတယ်ဆိုရင်တော့ မဖြစ်ခင်က ကြိုတင်ကာကွယ်ထားနိုင်ဖို့ အရေးကြီးမှန်းသိလောက်ပါပြီ။