ထိုင်းနိုင်ငံ၊ ဘန်ကောက်မြို့THE BERKELKYHOTEL.PRATUNAM မှာ အောက်တိုဘာ(၅)ရက် ၊ (၆)ရက်နေ့များတွင်ကျင်းပပြုလုပ်ခဲ့တဲ့ကမ္ဘ့ာအိမ်ခြံမြေအဖွဲ့ချုပ်၏အာရှပစိဖိတ်အိမ်ခြံမြေကွန်ဗေးရှင်း(FIABCI - Thai )သို့ နိုင်ငံပေါင်း(၂၆)နိုင်ငံမှ အဖွဲ့ဝင်(၆၀၀)ဦးတက် ရောက်ခဲ့ပြီး မြန်မာနိုင်ငံအိမ်ခြံမြေဝန်ဆောင်မှု အသင်းမှအဖွဲ့ဝင် (၁၀၈)ဦးတက်ရောက်ခဲ့ကြောင်းသိရသည်။

အောက်တိုဘာလ နှစ်ပတ်အတွင်း အဆောက်အဦ ဆောက်လုပ်ခွင့် (၁၂၈)ခု နဲ့ အဆောက်အဦ ဆောက်လုပ် ပြီးစီးကြောင်းလက်မှတ်(BCC) (၅၂)လုံး ခွင့်ပြုခဲ့ကြောင်းသိရ ။

မကွေးတိုင်းဒေသကြီး အစိုးရအဖွဲ့ရဲ့ ကြီးကြပ်မှုဖြင့် မကွေးမြို့မှာ စက်မှုဇုန်အသစ်တစ်ခု အကောင်အထည်ဖော်ဆောင်ရွက်သွားမှာဖြစ်ပြီး ရင်းနှီးတည်ဆောက်လိုတဲ့ ပြည်တွင်း/ပြည်ပမှ ကုမ္ပဏီများအနေဖြင့်မကွေးမြို့ စက်မှုဇုန်အား Developer အနေဖြင့် အကောင်အထည်ဖော်ရန်စိတ်ဝင်စားပါက စိတ်ဝင်စားမှုဖော်ပြခြင်း လျှောက်လွှာ(Expression of Interest-Eol)များကို အတွင်း ရေးမှူး၊ မကွေးတိုင်းဒေသကြီး အစိုးရအဖွဲ့သို့လိပ်မူပြီး အောက်တိုဘာ (၁၆)ရက်နေ့ ညနေ ၃နာရီ အရောက် ပေးပို့ တင်ပြရမှာဖြစ်တယ်လို့ နိုင်ငံပိုင်သတင်းစာများမှတဆင့်သိရပါတယ်။

ဈေးများနှင့်ကုန်စည်ပွဲရုံများဌာနက တာဝန်ယူဆောင်ရွက် လျက်ရှိတဲ့ မင်္ဂလာတောင်ညွန့်မြို့နယ်၊ သပြေ ကုန်းရပ်ကွက်၊ ဗညားဒလ လမ်းနှင့်စက်ရုံလမ်းထောင့်ရှိ မင်္ဂလာဈေး မြေအောက်နှစ်ထပ် မြေပေါ် ၁၅ ထပ် အဆောက် အဦ တည်ဆောက်ရေး လုပ်ငန်းမှာ ယခုအခါ ၅၁ ရာခိုင်နှုန်း ပြီးစီးပြီဖြစ်ပြီး ၂၀၂၄ ခုနှစ် ဧပြီတွင် အပြီးတည်ဆောက် ရန်လျာထားကြောင်းသိရပါတယ်။

ကြည့်မြင်တိုင်မြို့နယ်၊ ကမ်းနားလမ်းရှိ ရန်ကုန်မြို့တော်စည်ပင်သာယာရေးကော်မတီပိုင် သီရိမင်္ဂလာစျေးဟောင်း ၅ ထပ် RC အဆောက်အအုံမှာ အန္တရာယ်ရှိသဖြင့် ဖြိုဖျက်ရောင်းချမှုများပြုလုပ်ရန် ရန်ကုန်မြို့တော်စည်ပင်မှ လုပ်ငန်းလုပ်ကိုင်လိုသူများအား နိုင်ငံပိုင်သတင်းစာများမှတဆင့် တင်ဒါတင်သွင်းရန် ဖိတ်ခေါ်လျှက်ရှိပါတယ်။

 မန္တလေးမြို့တော်စည်ပင်သာယာရေးကော်မတီနယ်နိမိတ်အတွင်းမှာရှိတဲ့ မြို့နယ်(၆)မြို့နယ်ထဲမှာ မန္တလေးမြို့တော် စည်ပင်သာယာရေးဥပဒေ၊ နည်းဥပဒေများအရ မန္တလေးမြို့တော်စည်ပင်သာယာရေးကော်မတီမှ စီမံခန့်ခွဲပိုင်ခွင့်ရှိတဲ့ မြေနေရာများတွင် တရား၀င်ပိုင်ဆိုင်ခွင့်၊ လက်ရှိထားပိုင်ခွင့် အခွင့်အရေးနှင့် ခိုင်လုံသောအထောက်အထားတစ်စုံတစ်ရာမရှိဘဲ တရားမ၀င် ၀င်ရောက်ကျူးကျော်နေထိုင်ခြင်း၊ မြေဖို့ခြင်း၊အဆောက်အအုံဆောက်လုပ်ခြင်း၊ အုတ်တံတိုင်းကာရံခြင်းတို့ကို ဥပဒေမဲ့စွာ ဆောင်ရွက်ခြင်းများကို တွေ့ရှိရသဖြင့် တည်ဆဲဥပဒေများနှင့်အညီဖျက်သိမ်းရှင်းလင်းဖယ်ရှား၍ အရေးယူဆောင်ရွက်ခြင်းများ ပြုလုပ်ဆောင်ရွက်လျက်ရှိတယ်လို့ဩဂုတ် ၈ရက်နေ့ထုတ် မန္တလေးနေ့စဉ်သတင်းစာထဲတွင်ဖော်ပြထားရှိပါတယ်။

ဒဂုံမြို့သစ်(တောင်ပိုင်း)မြို့နယ်၊ အမှတ်( ၂ )လမ်းမကြီး၊ရန်ကုန်မြို့ပတ်လမ်းမကြီးလမ်းဆုံအနီးမှာ အကောင်အထည်ဖော်ဆောင်ရွက်ပြီးစီးပြီဖြစ်တဲ့  သုခဒဂုံပြည်သူ့အငှားအိမ်ရာရှိအိမ်ခန်းများကိုငှားရမ်းနေထိုင်ခွင့်လျှောက်လွှာများခေါ်ယူခဲ့ပြီးနောက် ပထမအဆင့်ဆောက်လုပ်ပြီးစီးသည့် တိုက်ခန်း(၁,၁၆၈) ခန်းအတွက်လူဦးရေ ၁၆၀၀၀ ကျော်လာရောက်လျှောက်ထားကြောင်းသိရပါတယ်။

 မြန်မာနိုင်ငံရဲ့ အထင်ကရ Developer Company တစ်ခုဖြစ်တဲ့ 𝐒𝐭𝐞𝐞𝐥 𝐒𝐭𝐨𝐧𝐞 𝐆𝐫𝐨𝐮𝐩 𝐨𝐟 𝐂𝐨𝐦𝐩𝐚𝐧𝐢𝐞𝐬 ကနေ ရုံးချူပ်အသစ်ဖွင့်လှစ်မိတ်ဆက်ခြင်းအထိမ်းအမှတ်အနေနဲ့ ‘’ခိုင်မာတဲ့ အိမ်ရာစီမံကိန်း မြေကွက်’’များရောင်းချပွဲကို ဩဂုတ်လ (၂) ရက်နေ့မှ (၈) ရက်နေ့အထိ (၇) ရက်တိုင်တိုင် ၂၀ရာခိုင်နှုန်း အထူးလျှော့ဈေး နဲ့ ရောင်းချပေးသွားမှာဖြစ်တယ်လို့သိရပါတယ်။

အရောင်းပြပွဲအခမ်းအနားကိုတော့ 𝐒𝐭𝐞𝐞𝐥 𝐒𝐭𝐨𝐧𝐞 𝐆𝐫𝐨𝐮𝐩 ရုံးချူပ်ရဲ့ Grand Opening နဲ့အတူ ရန်ကုန်မြို့ ပြည်လမ်းမပေါ်က အသစ်စက်စက် M Tower နဲ့ မြဝတီမြို့ အာရှလမ်းမကြီးပေါ်က Union Hotel မှာတပြိုင်နက်ကျင်းပပြုလုပ်သွားမှာဖြစ်ပါတယ်။

အင်ဒိုနီးရှားနိုင်ငံရဲ့ မြို့တော်သစ်အဖြစ်တည်ဆောက်နေတဲ့ နူဆန်တာရာမှာရင်းနှီးမြုပ်နှံမှုပြုလုပ်ရန်စိတ်ဝင် စားတဲ့ မြန်မာနိုင်ငံမှ စွန့်ဦးတီထွင် စီးပွားရေးလုပ်ငန်းရှင်များနဲ့ မြန်မာစီးပွားရေး လုပ်ငန်းရှင်များလာရောက်ရင်းနှီးမြှုပ်နှံရန် ဖိတ်ခေါ်ထားတယ်လို့ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာနမှ အသိပေးကြေညာထားရှိတာပါ။