ဟောင်ကောင်နှင့် ရှန်ဟိုင်းဟိုတယ်လုပ်ငန်းစု (HSH Group) က မြန်မာ့မီးရထားရုံးချုပ်ဟောင်းနေရာမှာ တည်ရှိတဲ့ အမေရိကန်ဒေါ်လာ သန်း ၁၃၀ တန် ‘ပင်နီဆူလာရန်ကုန်’ ဟိုတယ်စီမံကိန်းကို ရပ်ဆိုင်းထားဆဲလို့ ကုမ္ပဏီဘက်က တာဝန်ရှိသူရဲ့ ပြောကြားချက်အရ သိရပါတယ်။

မကြာမီထပ်မံ ပြီးစီးတော့မယ့် သုခဒဂုံပြည်သူ့အငှားအိမ်ရာ မှတိုက်ခန်း ၄၀၀ ကျော်ကို ၂၀၂၄ ခုနှစ် မေလ တွင် ငှါးရမ်းနေထိုင်ခွင့် ရရှိနိုင်ရေး အတွက်တတိယအဆင့်အိမ်ခန်းများငှားရမ်း နေထိုင်ခွင့်စတင်လျှောက်ထားနိုင် ကြောင်းသိရပါတယ်။

သုခဒဂုံပြည်သူ့အငှားအိမ်ရာ ဒုတိယအဆင့်တွင် မဲပေါက်ထားသူများကို မကြာခင်ငှားရမ်းနေထိုင်ခွင့်အတွက် စာချုပ်ချုပ်ဆိုသွားမယ်လို့ ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာနကနေ သိရပါတယ်။ယခုအခါ သုခဒဂုံပြည်သူ့အငှားအိမ်ရာ ဒုတိယအဆင့်တွင် အိမ်ငှားရမ်းခွင့်အတွက် မီတာများတပ်ဆင်နိုင်ရေး ဆောင်ရွက်နေပြီး မီတာများ တပ်ဆင်ပြီးပါက စာချုပ်ချုပ်ဆိုနိုင်ရေးနှင့် အိမ်လခများ ပေးသွင်းနိုင်‌ရေး ဆက်လက် အသိပေးသွားမယ်လို့ဆိုပါတယ်။

သုခဒဂုံပြည်သူ့အငှားအိမ်ရာအတွင်းရှိ အခန်းမဲပေါက်တဲ့ အိမ်ခန်းများထဲတွင်သတ်မှတ် စည်းကမ်းအတိုင်း နေထိုင်ရန် နှင့် နေထိုင်ခြင်းမရှိတဲ့ အိမ်ခန်းများကို ပြန်လည်သိမ်းယူမှာဖြစ်တယ်လို့သိရပါတယ်။

အိမ်ဝယ်ယူပါက ရာဖြတ်လို့ခေါ်တဲ့ ကာလတန်ဖိုး စိစစ်ရေးအဖွဲ့က သတ်မှတ်ပေးထားသော တန်ဖိုး၏ ၄ ရာခိုင်နှုန်းကို အခွန်ဆောင်ရမှာဖြစ်တယ်လို့ သိရပါတယ်။

ရန်ကုန်ရှိ အိမ်ခြံမြေဈေးနှုန်းက  ကျမည့်အနေအထားတွင်မရှိသေးကြောင်း သိရပြီး၊ပြီးခဲ့တဲ့ သုံးလပိုင်းကထက် လက်ရှိတွင် အိမ်ခြံမြေ ဝယ်ယူသူများရှိလာတယ်လို့အိမ်ခြံမြေဝန်ဆောင်မှု လုပ်ငန်းရှင်များထံမှ သိရပါတယ်။

ရန်ကုန်တိုင်းဒေသကြီးအတွင်းရှိ လှိုင်သာယာမြို့နယ်ကို အဆင့်မြှင့်တင်နိုင်ရန်အတွက် Town Plan များ ရေးဆွဲဆောင်ရွက်နေတယ်လို့သိရပါတယ်။

လှိုင်သာယာမြို့နယ်ကို အဆင့်မြှင့်တင်ရန်အတွက် မြို့ပြ နှင့် အိမ်ရာစီမံကိန်းများ တည်ဆောက်ရာတွင် Town Plan များစနစ်တကျ ရေးဆွဲဆောင်ရွက်သွားရန်အတွက် ရန်ကုန်တိုင်းအတွင်းရှိ စက်မှုဇုန်ကော်မတီဥက္ကဋ္ဌများ၊ ကော်မတီဝင်များနှင့် MSME လုပ်ငန်းရှင်များနှင့်တာဝန်ရှိသူများတွေ့ဆုံဆွေးနွေးခဲ့ကြတယ်လို့လည်းသိရပါတယ်။

လာမည့် ဧပြီလတွင် ပြည်တွင်းအိမ်ခြံမြေဈေးကွက်ကို အပြောင်းအလဲဖြစ်စေမည့် ပြည်ထောင်စု၏ အခွန်အကောက်ဥပဒေကို အသစ်ပြဌာန်းပေးဖို့ရှိနေပါတယ်။

ဒါ့အပြင် ယခုဘဏ္ဍာနှစ်အတွက် တန်ဖိုးသတ်မှတ်ပေးဖို့ မတ်လ ၁၅ ရက် နောက်ဆုံးထားပြီး တိုင်းဒေသကြီးကာလတန်ဖိုးစိစစ်သတ်မှတ်ရေးအဖွဲ့ထံ လျှောက်လွှာတွေ တင်ပြရဖို့ လည်းရှိနေပါတယ်။

မန္တလေးတိုင်းဒေသကြီး အောင်မြေသာစံခရိုင် ပုသိမ်ကြီးမြို့နယ် ရှင်တော်ကုန်းကျေးရွာအနီးတွင် အကောင်အထည် ဖော်တည်ဆောက်ပြီးစီးတဲ့ ဆောက်လုပ်ရေးဝန်ကြီးဌာန၊ မြို့ရွာနှင့်အိုးအိမ်ဖွံ့ဖြိုးရေးဦးစီးဌာန မင်္ဂလာရန်ကင်း ပြည်သူ့အငှားအိမ်ရာရှိ အိမ်ခန်းများအား ပြည်သူများ၊ လက်ရှိတာဝန် ထမ်းဆောင်ဆဲဝန်ထမ်းများနှင့် အငြိမ်းစားဝန်ထမ်းများအား ငှားရမ်းပေးသွားမှာဖြစ်တယ်လို့ သိရပါတယ်။

မန္တလေးတိုင်းဒေသကြီးအတွင်းမှာရှိတဲ့ အိမ်ခြံမြေများ၏ ကာလတန်ဖိုးသတ်မှတ်ရန် အိမ်ခြံမြေပိုင်ရှင်တွေအနေနဲ့ မတ်လ (၁၅) ရက်နေ့ နောက်ဆုံးထားပြီး လျှောက်လွှာများပေးပို့ရမှာဖြစ်တယ်လို့ မန္တလေးတိုင်းဒေသကြီးအစိုးရအဖွဲ့က အသိပေးထုတ်ပြန်ထားပါတယ်။