ရှမ်းပြည်နယ်၊ တောင်ကြီးမြို့ မြို့ရှောင်လမ်းဘေးတွင်၁၉ ဧကအကျယ်အဝန်းရှိမြေနေရာပေါ်တွင် ကုန်တင်ယာဉ်များ စနစ်တကျ ရပ်နားနိုင်ရေးနှင့် ယာဉ်ကြောပိတ်ဆို့မှု လျော့နည်းစေရေးကို ရည်ရွယ်ပြီး ကုန်တင်ယာဉ်ရပ်နားစခန်း စီမံကိန်း အား ဆောင်ရွက်လျက်ရှိတယ်လို့သိရပါတယ်။

တရုတ်ပြည်သူ့သမ္မတနိုင်ငံရဲ့ အကူအညီဖြင့် အောင်ဆန်းကွင်းကို အကောင်အထည်ဖော် ဆောင်ရွက်နိုင်ရန်အတွက် နှစ်နိုင်ငံ သဘောတူ လက်မှတ် ရေးထိုးပြီးဖြစ်တယ်လို့ အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့်ခရီးသွားလာရေးဝန်ကြီးဌာန မှ သိရပါတယ်။

တောင်ဒဂုံမြို့နယ်အတွင်းရှိ သုခဒဂုံ ပြည်သူ့အငှားအိမ်ရာ စီမံကိန်းမှ ထပ်မံဆောက်လုပ်ပြီးစီးသွားတဲ့ အဆောက်အဦ ၅ လုံးတွင် လျှောက်ထားကြတဲ့ ပြည်သူများအား မကြာမီ မဲနှိုက်စနစ်ဖြင့် ရွေးချယ်ကာ ငှားရမ်းပေးသွားမှာဖြစ်တယ်လို့သိရပါတယ်။

ရှမ်းပြည်နယ်တောင်ပိုင်းမှာတည်ရှိတဲ့ ကလောမြို့ဟာ ASEAN Sustainable Tourism Award 2026 ကို ရရှိခဲ့တာဖြစ်ပြီး ပင်းတယမြို့ကတော့ အာဆီယံသန့်ရှင်းသောခရီးသွားမြို့တော်ဆုကိုရရှိခဲ့တာ ဖြစ်တယ်လို့သိရ ပါတယ်။

မြန်မာနိုင်ငံရင်းနှီးမြှုပ်နှံမှုကော်မရှင်၏ (၁/၂၀၂၆) ကြိမ်မြောက်အစည်းအဝေးကနေ ပြည်တွင်းတွင် အမေရိကန်ဒေါ်လာ (၆၂ ဒသမ ၉၁၁) သန်းတန်ဖိုးရှိ ရင်းနှီးမြုပ်နှံမှုလုပ်ငန်းအသစ် (၂၀)ခု ခွင့်ပြုပေးလိုက်တယ်လို့ မြန်မာနိုင်ငံရင်းနှီးမြှုပ်နှံမှုကော်မရှင်မှ သိရပါတယ်။

ကမ္ဘာ့ကုန်သွယ်ရေးဗဟိုချက်ဖြစ်ပြီး ကွန်ကရစ်သစ်တောကြီးလို့လူသိများတဲ့ နယူးယောက်မြို့ဟာ ကန်‌ဒေါ်လာ ၄၀ ဘီလီယံတန်တိုးချဲစီမံကိန်းနဲ့အတူမြို့တော်မြေပုံကိုပြောင်းလဲဖို့ပြင်ဆင်နေတာပဲဖြစ်ပါတယ်။

လူဦးရေ ၈ သန်းခွဲအထိနေထိုင်လျှက်ရှိတဲ့နယူးယောက်မြို့ဟာ လူနေမှုသိပ်သည်းပြီးနေထိုင်ရေးအခက်အခဲများ တဆတဆမြင့်တက်လာတာကြောင့်သက်ဆိုင်ရာအာဏာပိုင်များမှမြို့နယ်တိုးချဲ့ရေးစီမံကိန်ကိုအာရုံစိုက်လာကြတာပဲဖြစ်ပါတယ်။

 ရွှေဈေးသိန်း ၁၀၀ ကျော်အထိမြင့်တက်နေချိန် အိမ်ခြံမြေဈေးနှုန်းကလည်း ဈေးမြင့်တက်နေတယ်လို့ အိမ်ခြံမြေအကျိုးတော်ဆောင်လုပ်ကိုင်သူများထံမှ သိရပါတယ်။

ရွှေထက် မြေသီးသန့်ဝယ်ယူလိုသူများပြားလာပြီး အရှေ့ဒဂုံ၊မြောက်ဒဂုံ၊ တောင်ဒဂုံနှင့် ဒဂုံဆိပ်ကမ်းတို့တွင် အရောင်းအဝယ်ပိုဖြစ်နေတယ်လို့သိရပါတယ်။

 ရန်ကုန်မြို့၊ မင်္ဂလာတောင်ညွန့်မြို့နယ်တွင် ဆောက်လုပ်နေတဲ့ အဆင့်မြင့်မင်္ဂလာဈေးသစ်ကြီးရှိ ဆိုင်ခန်းများကို ဘဏ်ချိတ်စနစ်ဖြင့် ဝယ်ယူနိုင်တယ်လို့  Sun Myat Tun Construction ကုမ္ပဏီလီမိတက်မှ စုံစမ်းသိရှိရပါတယ်။

မကွေးတိုင်းဒေသကြီး၊ မင်းဘူးခရိုင်၊ မင်းဘူး(စကု)မြို့နယ်မှာရှိတဲ့  မန်းရွှေစက်တော်တွင် တည်းခိုဆောင်အခန်းပေါင်း ၅၁၉ ခန်းနှင့် ဈေးဆိုင်ခန်းပေါင်း ၇၇၉ ခန်းကို ဆောက်လုပ်နေပြီဖြစ်တယ်လို့ မန်းရွှေစက်တော်ဘုရားပွဲတော်ကျင်းပရေး ဦးစီးကော်မတီထံမှ သိရပါတယ်။

အီသီယိုးပီးယား နိုင်ငံပိုင်လေကြောင်းလိုင်းသည် ၂၀၃၀ ပြည့်နှစ်အကုန်တွင် အာဖရိကရဲ့ အကြီးဆုံးလေဆိပ်ဖြစ်လာမယ့် ဒေါ်လာ ၁၂.၅ ဘီလီယံတန် တည်ဆောက်ရေးစီမံကိန်းကို အီသီယိုးပီးယားနိုင်ငံဘစ်ရှော့တူ(Bishoftu)မြို့မှာတရားဝင်စတင်လိုက်ပြီဖြစ်တယ်လို့အီသီယိုးပီးယားဝန်ကြီးချုပ်ကဖွင့်ပွဲအခမ်းအနားတွင်ပြောကြားခဲ့တာပဲဖြစ်ပါတယ်။