မြန်မာနိုင်ငံ ရင်းနှီးမြှုပ်နှံမှုကော်မရှင် (၆/၂၀၂၅) ကြိမ်မြောက် အစည်းအဝေးက‌နေ လက်ရှိဆောင်ရွက်ဆဲ ရင်းနှီးမြှုပ်နှံမှုလုပ်ငန်းခြောက်ခုမှ မတည်ငွေရင်း တိုးမြှင့်ခြင်းအပါအဝင် စက်မှုကဏ္ဍမှ နိုင်ငံခြားရင်းနှီးမြှုပ်နှံမှု လုပ်ငန်းအသစ် ငါးခုနှင့် စက်မှုကဏ္ဍ၊ ဟိုတယ်နှင့် ခရီးသွားကဏ္ဍနှင့် ဝန်ဆောင်မှုကဏ္ဍတို့မှ မြန်မာနိုင်ငံသား ရင်းနှီးမြှုပ်နှံမှုလုပ်ငန်းအသစ် ကိုးခုကို ခွင့်ပြုပေး ခဲ့တယ်လို့သိရပါတယ်။

ပြင်ဦးလွင်မြို့ရှိ စစ်မှုထမ်းဟောင်းအိမ်ရာတွင် အရာရှိကြီးနေအိမ်၊ အရာရှိငယ်နေအိမ်နှင့် အခြားအဆင့်နေအိမ်များအား ထပ်မံဆောက်လုပ်ပေးသွားမှာဖြစ်တယ်လို့သိရပါတယ်။

စင်ကာပူနိုင်ငံမှာအသက် ၃၅ နှစ်အောက်လူလွတ်အများစုဟာမိဘအိမ်မှခွဲထွက်ကာ မိမိကိုယ်ပိုင်နေအိမ်နဲ့နေချင်သူများပြားလာတာဘဲဖြစ်ပါတယ်။

ဧရိယာစတုရန်းမိုင် ၁၀.၁၅ မိုင်ကျယ်ဝန်းပြီး ရပ်ကွက် ၂၇ ခုဖြင့်ဖွဲ့စည်းထားတဲ့မြောက်ဒဂုံမြို့နယ်ကို လုံ့ခြုံစိတ်ချရတဲ့ အဆင့်မြင့် Smart Township အဖြစ်အကောင်အထည်ဖော်ဆောင်ရွက်ပေးမှာဟု ပြည်သူ့ပါတီကိုယ်စားပြု မြောက်ဒဂုံမြို့နယ် တိုင်းဒေသကြီးလွှတ်တော်ကိုယ်စားလှယ်လောင်း ဒေါက်တာကျော်ဇေယျထွန်းက လည်းကောင်းရဲ့  ဆိုရှယ်မီဒီယာမှတဆင့်ဖော်ပြပြောဆိုခဲ့တာဘဲဖြစ်ပါတယ်။

ယူအေအီးနိုင်ငံ၊ ဒူဘိုင်းမြို့က ဆောက်လုပ်ရေးလုပ်ငန်းရှင်တွေအနေနဲ့ မြန်မာနိုင်ငံရဲ့ ဆောက်လုပ်ရေးလုပ်ငန်းတွေမှာ ဝင်ရောက် ရင်းနှီးမြှုပ်နှံဖို့ စိတ်ဝင်စားမှု ရှိနေတယ်လို့ Myanmar India China Association (MICA) ရဲ့ အဖွဲ့ဝင် ဦးဆန်းအောင်ရဲ့ပြောကြားချက်အရသိရပါတယ်။

ရန်ကုန်တိုင်းဒေသကြီးအတွင်းရှိ ဒဂုံမြို့သစ် သုံးမြို့နယ်တွင် တန်ဖိုးသင့်အိမ်ရာစီမံကိန်း အတွက် တင်ဒါခေါ်ယူထားနေတယ်လို့  ရန်ကုန်မြို့တော်စည်ပင်သာယာရေးကော်မတီ၊ တင်ဒါလက် ခံရေးနှင့်စိစစ်ရေးကော်မတီက ထုတ်ပြန်ထားရှိပါတယ်။

ဟောင်ကောင်မြို့ တိုင်ပိုခရိုင်အတွင်းရှိ Wang Fuk Court(ဝမ်ဖောက်ကော့) အိမ်ရာဝန်းတွင် အမြင့်ဆုံးအဆင့် Level 5 မီးလောင်မှုကြီးဖြစ်ပွားခဲ့တယ်လို့ CNN World သတင်းဌာနရဲ့ဖော်ပြချက်အရသိရပါတယ်။

ရွှေကုက္ကိုလ်နယ်မြေအတွင်းရှိ တရားမဝင် အဆောက်အအုံများအား စနစ်တကျဖြိုချ ဖျက်ဆီးခြင်းများ ဆက်လက်ဆောင်ရွက်နေပြီး တရားမဝင်အဆောက်အအုံများအား စတင်ချိပ်ပိတ်သိမ်းဆည်းနေပြီဖြစ်တယ်လို့သိရပါတယ်။

Online လိမ်လည်လောင်းကစားမှုများကို အများဆုံးအခြေချလုပ်ကိုင်လျက်ရှိတဲ့ KK Park နယ်မြေ ၊ ရွှေကုက္ကိုလ်နယ်မြေအတွင်းရှိခွင့်ပြုချက်မရှိဘဲ ဆောက်လုပ်ထားတဲ့ တရားမဝင်အဆောက်အအုံများအား ရှင်းလင်းဖျက်ဆီးနေချိန်အတွင်း ထိုင်းနိုင်ငံ တာ့ခ်ခရိုင် ဖုပ်ဖရ မြို့နယ် Chong Khaep ရွာနဲ့ မျက်နှာချင်းဆိုင် သောင်ရင်းမြစ် တဘက်ကမ်း မြန်မာဘက်ခြမ်းမှာ အဆောက်အဦကြီးတွေ အသစ်ထပ်မံ ဆောက်လုပ်နေတာကို တွေ့ရတယ်လို့ Reporters သတင်းဌာနရဲ့ ဖော်ပြချက်အရသိရပါတယ်။   

တနင်္သာရီတိုင်းဒေသကြီး၊ ကော့သောင်းဆိပ်ကမ်းအနီးတွင် အပြည်ပြည်ဆိုင်ရာ ကမ်းရိုးတန်း ဆိပ်ကမ်းသစ်တစ်ခု တည်ဆောက်ရန်အတွေ့ကြုံရှိကုမ္ပဏီများ တင်ဒါတင်သွင်းနိုင်တယ်လို့ မြန်မာဆိပ်ကမ်းအာဏာပိုင် (MPA) ရဲ့ထုတ်ပြန်ချက်အရသိရပါတယ်။