ကနောင်အိမ်ရာရှိ အခန်း ၁၅၀ နှင့် သီလဝါအိမ်ရာရှိ အခန်း ၂၃၀ စုစုပေါင်းအခန်း ၃၈၀ ကို အိမ်ရာစုဆောင်းငွေ ကျပ်သိန်း ၃၀ ပြည့်မီသူများအား ဇွန်လ ၂၁ ရက်တွင် အခန်းမဲနှိုက် ရောင်းချပေးသွားမှာဖြစ်တယ်လို့ မြို့ပြနှင့်အိမ်ရာဖွံ့ဖြိုး‌ရေးဦးစီးဌာနမှ ထုတ်ပြန်ထားချက်အရသိရပါတယ်။

 ဇွန်လ ၈ ရက်နေ့က သန်လျင်တံတားဖွင့်ပြီးနောက်ပိုင်း သန်လျင်မြို့နယ်အတွင်းရှိ အိမ်ခြံမြေဈေးနှစ်ဆမြင့်တက်လာတယ်လို့  အိမ်ခြံမြေ ရောင်းဝယ်သူများထံမှ သိရပါတယ်။

ရန်ကုန်တိုင်းဒေသကြီး ၊ သာကေတမြို့နယ် နဲ့ သန်လျင်မြို့နယ်တို့ကို ဆက်သွယ်ပေးထားတဲ့ ပဲခူးမြစ်ကူး (သန်လျင် အမှတ် ၃) တံတားသစ် ဖြတ်သန်းခတွေကို ဇွန်လ ၁၅ ရက်ကစတင်ပြီး ကောက်ခံသွားမှာဖြစ်တယ်လို့ဆောက်လုပ်ရေးဝန်ကြီးဌာနမှ သိရပါတယ်။

 မြန်မာနိုင်ငံတွင်တည်ထောင်ပြီး စက်မှုဇုန် ၂၈ ဇုန်၊ စက်မှုရပ်ကွက်ငါးခု၊ ဆောင်ရွက်ဆဲစက်မှုဇုန်စီမံကိန်းနှစ်ခုရှိနေပြီး အဆိုပါစက်မှုဇုန်၊ စက်မှုရပ်ကွက်နှင့် စီမံကိန်းများအတွင်း အငယ်စား၊ အလတ်စားနှင့်အကြီးစားစက်မှု လုပ်ငန်းပေါင်း ၇၉၇၂ ခုရှိပြီး လုပ်သားပေါင်းငါးသိန်းကျော်ကို အလုပ်အကိုင်အခွင့်အလမ်းများ ဖန်တီးပေးထားနိုင်တယ်လို့သိရပါတယ်။

ထိုင်းနိုင်ငံရှိကွန်ဒိုများကို ပြည်တွင်းမှာတရားမဝင်ရောင်းချပြီး တရားမဝင်ဟွန်ဒီလုပ်ငန်းမှ ငွေလွှဲပြောင်းလုပ်ကိုင်သူ ၃ ဦး ကိုပြီးခဲ့တဲ့ရက်ပိုင်းအတွင်းက အရေးယူထားပြီးနောက်စစ်ဆေးမှုများရှိနေသဖြင့် ထိုင်းနိုင်ငံရှိကွန်ဒိုများ မြန်မာနိုင်ငံသားဝယ်ယူမှုကျဆင်းလာနိုင်တယ်လို့ ထိုင်းနိုင်ငံရှိအိမ်ခြံမြေလုပ်ကိုင်သူများကပြောပါတယ်။

ထိုင်းနိုင်ငံမှ ကွန်ဒိုများကို မြန်မာနိုင်ငံတွင် တရားမဝင်ရောင်းချပြီး တရားမဝင် ဟွန်ဒီလုပ်ငန်းများမှ ထိုင်းနိုင်ငံသို့ ငွေလွှဲပြောင်းသူ Minn Thu ကုမ္ပဏီမှ တာဝန်ရှိသူ ၂ ဦးနှင့် တရားမဝင်ဟွန်ဒီလုပ်ငန်းမှ ငွေလွှဲပြောင်း ဝယ်ယူသူ ၃ ဦးတို့အား အရေးယူဆောင်ရွက်ထားတယ်လို့ နိုင်ငံပိုင်သတင်းစာများတွင်ဖော်ပြထားရှိပါတယ်

ဆောက်လုပ်ရေးဝန်ကြီးဌာန ၊ မြို့ပြနှင့်အိမ်ရာဖွံ့ဖြိုးရေးဦးစီးဌာနကဆောက်လုပ်ထားတဲ့ သီလဝါအိမ်ရာနှင့် ကနောင်အိမ်ရာတို့ရှိ တိုက်(၁၁)လုံး၊အခန်း (၃၀၈ )ခန်းအား အတိုးနှုန်း သက်သာသော အိမ်ရာချေး ငွေစနစ်ဖြင့်ချိတ်ဆက်ပြီး၂၀၂၄ ခုနှစ်ဇွန်လအတွင်းရောင်းချသွားမှာဖြစ်တယ်လို့သိရပါတယ်။

ယခုနှစ် ၂၀၂၄ မှာအပြီးသတ်ပြီးစီးရန် မျှော်မှန်းထားတဲ့ ရန်ကုန်-ဒလမြစ်ကူးတံတားစီမံကိန်းကြီးအနေဖြင့် အရေးကြီးအစိတ်အပိုင်းတစ်ခုဖြစ်တဲ့ အလယ်သံဘောင် အချိန်မီမရောက်ရှိပါက လာမယ့်၂၀၂၅ ရောက်မှသာ ပြီးစီးနိုင်တော့မှာဖြစ်တယ်လို့သိရပါတယ်။

ထားဝယ်အထူးစီးပွားရေးဇုန်တွင် ရင်းနှီးမြှုပ်နှံရန် စိတ်ဝင်စားကြတဲ့ Developer များကို နည်းမျိုးစုံဖြင့် ဖိတ်ခေါ်လျက်ရှိနေတယ်လို့သိရပါတယ်။

လက်ရှိမြန်မာနိုင်ငံတွင်အထူးစီးပွားရေးဇုန်၃ခုကိုအကောင်အထည်ဖော်နေပြီး အောင်မြင်ပြီး သီလဝါစီးပွားရေး ဇုန်နှင့် လုပ်ငန်းစတင်ဆောင်ရွက်နေပြီဖြစ်တဲ့ ကျောက်ဖြူအထူးစီးပွားရေးဇုန်နှင့် အလားတူထားဝယ်အထူးစီးပွားရေးဇုန်တွင် ရင်းနှီးမြှုပ်နှံရန်စိတ်ဝင်စားကြတဲ့ Developer များကို နည်းမျိုးစုံဖြင့်ဖိတ်ခေါ်လျက် ရင်းနှီးမြှုပ်နှံမှု အခွင့်အရေး ရရှိရေးသက်ဆိုင်ရာ ဒေသအာဏာပိုင်များ၊ အထူးစီးပွားရေးဇုန်အလိုက် စီမံခန့်ခွဲမှုကြီးကြပ်ရေးကော်မတီများက ကြိုးပမ်းဆောင်ရွက်ကြရန်လိုတယ်လို့ လည်းသိရပါတယ်။